三家村水產 (Closed)

第一次試下呢間三家村水產。主要係俾佢嘅一夜干同浜燒吸引，仲稱每日新鮮海產，咁就試下喇。是日慶生，早就訂左位，兩位。對客人服務好到不得了，禮貌好好，亦好主動幫客人。亦會好好態度介紹當日新鮮水產同好有耐性講解。最後係叫左青龍蝦刺身，蝦頭拎去煲味噌湯。又呀左清酒煮彩貝(其實係咪即係花甲…)呢度連+10%已經差唔多$600當然亦叫左其他野食，因為就咁食個剌身同清酒煮蜆應就唔夠飽。追加一客燒鱈魚片，一客魷魚一夜干龍蝦刺身到喇，每人三片就已經將佢毀滅咗。新鮮係唔同啲，非常爽脆，但無乜龍蝦味，食佢個脆。個人一向認為鮮蝦龍蝦小龍蝦等等蝦蟹類海產都係煮熟至好食，肉的鮮甜和旨味先出到黎。然後個蝦頭就拎左去煲湯。鱈魚片同魷魚一夜干相繼出場，個鱈魚片唔錯丫，有啲似大發鱈魚片焼至薄脆再配天使牌沙律醬。個魷魚一夜干都好食嘅，但份量好少，屋企樓間串燒店唔係燒到燶曬都拍得住佢。到到個湯又連蝦頭返黎了。唔錯丫，湯偏咸，無乜龍蝦香同味。似係用湯烚熟個龍蝦頭然後滾多兩滾就拎出嚟。都話煮熟哂至好食，熟龍蝦頭好食好多。見狀都應該唔夠飽，再追軟殼蟹天婦羅，牛舌和雞腎串燒。之後清酒煮蜆就到。唔……清酒煮蜆囉…無酒飲就飲呢啲啦…應該