海南少爺 (Closed)

今日收工約咗朋友去海港城買啲嘢，之後就當然要搵間餐廳醫醫肚🍽路過海南少爺見可以用coupon計落幾抵食，一於試試佢🤔餐廳暗暗地幾好feel，好似比較少見新加坡餐廳唔係採用光猛明亮嘅裝修，有格調I like it！幸運地被安排到窗邊位置可以望住海景進餐，係今天小確幸呢🧡-🫖茶位 $8/位荔枝紅茶唔甜但係飲到淡淡荔枝味，而且紅茶一向都係我杯茶☕️好飲～-🥜前菜 $12估唔到係新加坡小食名物 - 鹹蛋炸魚皮，而且份量都幾多，呢個價錢計真係好抵食。-1️⃣星洲醬油參巴炒蘿蔔糕 $88用上微甜黑醬油同香辣參巴醬炒嘅蘿蔔糕唔會好辣且香口惹味、外脆內軟，另外仲有韭菜、芽菜、蛋等配料增加口感同解膩。Size係我最鍾意嘅正正方方細細舊，份量多、大大碟，直頭可以當主食唔係小食😂-2️⃣海鮮釀油條 $78將蝦膠釀入炸油條之後再切成細細份，伴以泰式甜辣醬，非常適合作為餐前小食😋-3️⃣肉鬆煉奶夾酥餅 $68呢個配搭真係諗唔到有咩理由會唔好食，不過邪惡派表示可以再多少少煉奶😈-4️⃣海南椰子雞湯 $108飲湯一定係趁熱先最好飲，呢個椰子雞湯跟咗個火爐一路熱住唔怕食左其他野先再飲湯會凍左。雖然配料只有簡單嘅椰子肉同雞，不過份量頗多