海膽仔

Open Now

Now Closed

去到新蒲崗呢個舊區， 本身只係打算買一打生蠔返屋企做前菜。 入到裏面先知間舖頭內有乾坤， 原來唔止係賣日式冰鮮食物，仲係餐廳😲最後確定坐低食😂 海膽丼：呢個價錢我哋都覺得好抵食，海膽量起碼有半板🥹質素都覺得係中上貨色🤤鮮甜，而且唔腥🫶🏻三文魚帶子鵝肝丼既分量簡直誇張🤪三文魚、帶子都係厚切！啖啖肉既口感🤣燒鵝肝既脂肪配合醋飯，幾天衣無縫。 個人認為用日式飯配鵝肝比用法包配鵝肝更加出色🤓見到餐牌上面有好多唔同嘅日式食物，例如拉麵、串燒、天婦羅，我哋都唔執輸點返個蕃薯天婦羅，雞腎、雞皮～蕃薯天婦羅啱啱炸起，件件都分量十足👍 串燒相對失色，有啲鹹。但若果點枝冰凍清酒，又可能剛剛好😎三款壽司分別係帶子、火炙三文魚同埋蔥吞拿魚軍艦。對比兩個丼失去吸引力😂但食得出係新鮮食材👍最後不得不提，食咗咁多，埋單連加一都只係530元😲性價比極高！