Video
Read full review
2018-05-22
261 views
大學畢業之後 一班昔日作戰既隊友終於又聚埋一齊，難得共聚 梗係要搵間高檔小小既餐廳，共享往日回憶之餘，亦一填口舌之慾。坐低無耐，我地都先各自點左飲品，我就點左杯sake，入口先係冰涼清爽，然後有淡淡苦澀回甘，十分不錯。味醂魚乾。經過燒烤後，魚乾仍然保留點點軟淋既質感，魚肉香更能夠揮發出黎，點一點蛋黃醬，確實係一款唔錯既佐酒小食。一口芝士。外層包裹昔一層金黃色既外衣，呈上時有誤以為烤薯餅既錯覺。當然佢內有乾坤，中心係一團芝士，香口得黎又帶濃郁既芝士乳香。來到今日重點之一，喜之次刺身。號稱為日本三大魚之一，本人亦都係第一次品嚐。刺身呈上時猶如藝術品，各人都忍唔住先喂一喂部手機。魚既外皮又經過輕微燒灼既處理，肉身非常肥厚，咬落有實實在在既肉感，味道鮮甜，然後會有魚油味滲出，果然不愧為魚中貴族。除此之外亦有四款刺身，分別分北海道海膽、象拔蚌、帶子刺身、三文魚腩。其中當北海道海膽呈上時，真係有一種想整板海膽扒入口既衝動。海膽色澤鮮麗，呈明亮既橙紅色，入口鮮甜，猶如滑溜既乳酪般係口中慢慢滑下，確係一等享受。跟住落黎就係最觸目既近江和牛宴。今晚最為期待既一餐，可以話整頭近江牛食了一遍。我地都係跟住m
坐低無耐，我地都先各自點左飲品，我就點左杯sake，入口先係冰涼清爽，然後有淡淡苦澀回甘，十分不錯。
味醂魚乾。經過燒烤後，魚乾仍然保留點點軟淋既質感，魚肉香更能夠揮發出黎，點一點蛋黃醬，確實係一款唔錯既佐酒小食。
一口芝士。外層包裹昔一層金黃色既外衣，呈上時有誤以為烤薯餅既錯覺。當然佢內有乾坤，中心係一團芝士，香口得黎又帶濃郁既芝士乳香。
來到今日重點之一，喜之次刺身。號稱為日本三大魚之一，本人亦都係第一次品嚐。刺身呈上時猶如藝術品，各人都忍唔住先喂一喂部手機。魚既外皮又經過輕微燒灼既處理，肉身非常肥厚，咬落有實實在在既肉感，味道鮮甜，然後會有魚油味滲出，果然不愧為魚中貴族。
除此之外亦有四款刺身，分別分北海道海膽、象拔蚌、帶子刺身、三文魚腩。其中當北海道海膽呈上時，真係有一種想整板海膽扒入口既衝動。海膽色澤鮮麗，呈明亮既橙紅色，入口鮮甜，猶如滑溜既乳酪般係口中慢慢滑下，確係一等享受。
跟住落黎就係最觸目既近江和牛宴。今晚最為期待既一餐，可以話整頭近江牛食了一遍。我地都係跟住menu上既建議由淡味到濃味食起。一片一片既近江牛既各部位被放上烤爐上面，肉色由原本既粉嫩既紅色夾帶唔同程度既油脂分佈，慢慢烤熟，肉塊上印滿網紋，未食已經流晒口水。鋪中既侍應教落，只要點小小鹽，就可以更加帶出牛味。食到後半 更加要叫碗白飯，牛既油脂撈埋白飯 更加係一絕。
明太子烤海蝦。臨時起意點既一道菜。上層鋪滿明太子 再烤熟至橙紅色，鹹香既明太子配上鮮嫩既蝦肉，一鹹一鮮，互相配搭。
十分滿足既一餐，唔單單係可以享受美味既晚宴，亦都係難得地可以同舊老友相聚說舊時。
Post
