蒸蒸日上倫哥私房菜 (Closed)

其實要約一班人出來食飯真係唔容易，又要就到大家時間同地點真係幾難，就呢次食飯都要早兩星期前約定，仲要book定位費事去到又要等咁就掃興，講番今次係去食海鮮火鍋，當然有埋雞煲品嚐，而且仲係冇限時間可以食幾耐都得，不過自問就冇乜必要咁耐食夠就算，火鍋係太子就晒大家方便係未齊人先食住小食有雞腳同木耳，再來係雞煲當然要一隻份量，咁食先至會大家高興，雞煲越食越入味之餘仲越食越刺激夠晒惹味，如唔夠可以再添繼續食其後有生果盤開吓胃先，之後火鍋出來有海鮮盤買相不錯，有多款時令海鮮，俾大家慢慢品嚐一番，食入口夠晒鮮甜接住到牛頸脊肉質嫩滑口香濃，跟住仲有其他火鍋配料享用，包保你地食得開心又飽滿食到尾升仲有精美甜品奉送大飽口福，最後大家開開心心暢談一番又要下次先見面。