Video
Read full review
2018-09-21
352 views
話說今日同朋友慶祝生日，朋友一向都鐘意食海鮮，但普通炒餸又無乜特別，諗左好耐都唔知食乜好。偶然之間上網見到呢間主打海鮮蒸氣鍋嘅小漁港，有趣嘅係，佢嘅蒸氣係玩omakase! 即係廚師發辦呀，夠晒驚喜又方便，唔洗諗呀嘛。當日好彩book左位，閒日現場都好full，walkin 都唔知有無位呀。入到去就當然直接叫個是日廚師精選套餐啦，$298一位 包兩款刺身，八款時令海鮮，仲有個主食，睇到都覺得抵。咁岩老闆過黎招呼，傾開計知朋友係海鮮痴，又咁岩生日，就推介左美國小蜜蜂龍蝦刺身，話又大隻又好食，仲要價錢超值咁話。平時食一食龍蝦刺身，無$500以上都唔洗諗，呢隻美國小蜜蜂龍蝦刺身只係$298，仲要生猛係到跳，聽到價錢即刻唔諗啦，要埋佢，生日食豪d！首先上枱，當然係呢隻龍蝦刺身啦，唔好講笑，一黎到真係嚇左跳，無諗過咁大隻！岩岩上枱d龍蝦腳仲郁架，非常新鮮。龍蝦刺身肉質彈牙爽口，切到一粒粒，非常易食。而且味道略帶微微檸檬清香，相信師傅係個面滴左少少檸檬汁，令龍蝦鮮味更加突出。$298 有呢個咁高嘅質素，仲要新鮮即劏，相信外面都難食到。老闆推介果然無錯，朋友一路食一路大讚，食得非常滿足。食完龍蝦刺身
話說今日同朋友慶祝生日，朋友一向都鐘意食海鮮，但普通炒餸又無乜特別，諗左好耐都唔知食乜好。偶然之間上網見到呢間主打海鮮蒸氣鍋嘅小漁港，有趣嘅係，佢嘅蒸氣係玩omakase! 即係廚師發辦呀，夠晒驚喜又方便，唔洗諗呀嘛。
當日好彩book左位，閒日現場都好full，walkin 都唔知有無位呀。入到去就當然直接叫個是日廚師精選套餐啦，$298一位 包兩款刺身，八款時令海鮮，仲有個主食，睇到都覺得抵。
小蜜蜂龍蝦刺身
$298
30 views
0 likes
0 comments
咁岩老闆過黎招呼，傾開計知朋友係海鮮痴，又咁岩生日，就推介左美國小蜜蜂龍蝦刺身，話又大隻又好食，仲要價錢超值咁話。平時食一食龍蝦刺身，無$500以上都唔洗諗，呢隻美國小蜜蜂龍蝦刺身只係$298，仲要生猛係到跳，聽到價錢即刻唔諗啦，要埋佢，生日食豪d！
小蜜蜂龍蝦刺身
$298
92 views
0 likes
0 comments
小蜜蜂龍蝦刺身
$298
82 views
0 likes
0 comments
首先上枱，當然係呢隻龍蝦刺身啦，唔好講笑，一黎到真係嚇左跳，無諗過咁大隻！岩岩上枱d龍蝦腳仲郁架，非常新鮮。龍蝦刺身肉質彈牙爽口，切到一粒粒，非常易食。而且味道略帶微微檸檬清香，相信師傅係個面滴左少少檸檬汁，令龍蝦鮮味更加突出。$298 有呢個咁高嘅質素，仲要新鮮即劏，相信外面都難食到。老闆推介果然無錯，朋友一路食一路大讚，食得非常滿足。
食完龍蝦刺身之後，就係今日戲肉海鮮蒸氣鍋！不過蒸海鮮之前，都要煮個粥底先。我地因為叫左龍蝦，所以食完刺身就放個蝦頭落去煲粥，唔好浪費！
瀨尿蝦
13 views
0 likes
0 comments
瀨尿蝦
19 views
0 likes
0 comments
準備好個粥底，終於可以正式蒸海鮮。第一樣登場嘅係瀨尿蝦!! 瀨尿蝦非常巨型，長度有手掌咁長身，肉質幾結實，略帶咸香，食落有蝦肉嘅甜。完全不調味都能夠食到海鮮嘅鮮，證明用料新鮮。我地一開始都唔知點開隻瀨尿蝦，最後老闆教我地中間剪開，成功原條拆肉，非常開心。
貝殻三寶 (馬刀貝、番薯貝同聖子仔)
64 views
0 likes
0 comments
之後呢我地蒸左貝殻三寶，今日三寶係馬刀貝、番薯貝同聖子仔。馬刀貝同番薯貝，我會認為係做出應有水準，有新鮮海鮮個陣咸水嘅鮮味，食落唔會老，肉質嫩身易咬。
聖子仔
32 views
0 likes
0 comments
而個聖子仔就超班嘅，平時食聖子最怕老同難咬。呢個細細條一啖食晒，非常鮮甜，肉質爽口，令你對聖子完全改觀，原來聖子唔調味都可以咁好食，驚喜十足。
草蝦、鮑魚同扇貝
54 views
0 likes
0 comments
接住就蒸左草蝦、鮑魚同扇貝。草蝦肉質結實，蝦頭略帶蝦膏，食落爽口蝦味濃。鮑魚係朋友非常滿意嘅海鮮之一，大大隻吉起食，肉質夠實彈牙，但一d都唔韌，鮮味湧出。至於扇貝用上蒜蓉蒸，粉絲蒸到有少少乾身，但吸晒d味，又好惹味。
黃花魚
16 views
0 likes
0 comments
然後係食黃花魚，呢條魚重心推介，一試難忘。我諗係出面叫蒸魚都無可能食到咁滑身！魚嘅熟度非常岩火候，食落帶咸香，味似用鹽先醃過，風乾再拎黎蒸。魚肉細緻嫩滑，但唔會濕身，更能突顯魚嘅油香，看似平凡嘅魚，非常不平凡！
重皮蟹
23 views
0 likes
0 comments
重皮蟹
39 views
0 likes
0 comments
仲未完呀，仲有蟹！而且非常好彩，兩隻都係重皮蟹，係硬殼下面仲有層軟殼，非常好味。蟹肉鮮甜呢d就必然嘅事，但蟹膏可以咁多就認真難得，蟹膏味非常濃郁，啖啖都食到膏，真係食膏都食到好滿足！
農家四寶同蟲草花蒸雞烏冬底
6 views
0 likes
0 comments
食到呢到，其實都飽左7成，不過主食依家開始！農家四寶同蟲草花蒸雞烏冬底。農家四寶包括絲瓜、翠玉瓜、粟米同南瓜，味道就唔算太大驚喜，不過食得多海鮮都要食d菜。個細細粒嘅日本小蕃薯先係靈魂，食完菜食一粒，甜到入心，畫龍點睛咁。 至於個蟲草花蒸雞烏冬底，烏冬盡吸雞嘅精華，有d油都係咁話，非常滋味！而且雞都嫩滑，少少飽都忍唔到口食多兩舊。
小蜜蜂龍蝦頭粥
15 views
0 likes
0 comments
黎到壓軸好戲，龍蝦頭粥！粥本身已吸收左之前海鮮嘅精華，再加上龍蝦頭嘅膏同殻一齊煲，可以話全晚精華所在！粥底煲得非常綿，細緻軟滑，從粥底顏色都可以睇到有幾濃郁，雖然一d調味都無落，但味道真係so rich so good，呢個粥係用時間去換來嘅美好，亦為呢餐畫上完美句號。
朋友同我都一致認為，呢個餐非常超值同抵食，海鮮新鮮唔在講，份量亦非常足，我地食左成3個鐘先食完，保證食到滿載而歸，真係好滿足！
Post
