發哥粥底海鮮火鍋 (Closed)

第一次，朋友帶左我去食粥底火鍋🍲。價錢同一般火鍋差不多，但就有好多海鮮食。3個餐之中揀左一個龍蝦餐同海蟹餐。🕴🏻職員話有龍蝦有海蟹最後煮出黎既粥先係最好食，鮮甜。就信佢啦。除左主角之外，會有前菜青瓜同花生🥜、仲有小食青口同一盅燉湯。😁燉湯好好飲，雞味濃郁。一開始我哋就到左南瓜粒粟米粒入去，😇咁樣最尾食粥嘅時候佢哋就會腍晒。🤤想保留返口感嘅可以食到差唔多先落。我最期待就係主角🙋🏻‍♂8款海鮮：海蟹/龍蝦、鮑魚、蟶子皇、貴妃蚌、多寶魚、黃金蜆、海蝦同一款貝類。最鐘意當然係蟹！蟹糕味好香。其次係蟶子皇，彈牙又鮮甜。仲有八款火鍋配料。🤭食肉獸嘅我哋，多數揀。肉類同餃子類。肉類都幾新鮮，肉味幾重下，岩哂男仔。其中有個幾特別嘅順德釀冬菇，😯😯冬菇上邊釀左蝦膠，口感同味道都幾特別。食哂火鍋料之後都已經好飽下。🤗但一定要食埋個海鮮粥。果然聽店員講係冇錯，個粥真係好好食充滿着蝦蟹嘅香味。仲有飲品係任飲！店員定時會過嚟清走多餘嘅碗碟。😆我哋仲有傾吓計，感覺上幾溫馨舒服。