鍋心粥底火鍋 (和富道) (Closed)

呢間其實一路都想食，但係成日覺得時間唔好，就無食到。因為呢度分三個時段，第一個時段係5:45-8:30。5:45太早了吧，都未肚餓，又未放工。第二個時段係8:30開始。8:30才開始食，又好似要飽住瞓，肥死咩！另一個係宵夜時段，更加無本事食 今日特早放工，加上夠腳，即興試吓啦 湯底係粥水。先食海鮮，第一款係 肉蟹同龍蝦二揀一。龍蝦要加$20。因為在街食蟹有點麻煩，所以揀左龍蝦，每人有半隻之後7款海鮮揀5款。我哋揀咗呢啲 海鮮好新鮮好甜，完全唔需要調味 食完海鮮，要落粟米，南瓜，芋頭落去粥水度。跟住在廿幾種配料中揀8種。食晒所有配料後，員工會幫忙加粥底。配合冬菜，芫茜，豬油渣，菜甫，大頭菜來食，真係無得頂，超飽 另一樣加分同超讚位係員工十分有禮貌，超出預期，加上無加一服務費，所以食得好開心