Video
Read full review
2017-08-09
4738 views
提起自助餐，唔可以唔提hotel icon，網上既comment都話icon自助餐好食，不過佢個價錢都好和味，平日dinner加一之後都要大概$720，今日因為慶祝生日，就決定豪一次喇！等我地睇下佢係咪真係大家吹棒到咁好食。另外，傳聞話icon book位要提早一個月，今次可能我book平日，又唔係咩特別節日，所以只係預早兩星期都book到，如果你係想特別日子慶祝，記住早d book喔！一入到去，就俾佢個色彩繽紛既甜品櫃吸引住，好開心呀！The market其中主打就係佢既榴槤甜品！榴槤控點會放過。除左榴槤都仲有其他甜品。。。例如朱古力慕絲蛋糕，綠茶奶凍等，我都樣樣試左d，佢好處係細細件，咁就可以試多幾款！好貼心！不過，我眼中只有榴槤雪糕，其他甜品都覺得一般。榴槤雪糕好似食緊榴槤蓉咁，啖啖都有榴槤肉架！平時外面食都要3至40蚊一球，呢度任食！我想食十個呀😩可惜個胃唔夠位呀！海鮮係the market另一個大推。黎到冷盤區，一大座龍蝦山等緊你！只能說hotel icon都幾大方，以前去過d自助餐，龍蝦呢d受歡迎產物好快俾人拎晒，要等一排先有人refill，然後又好快俾人拎哂。但係icon
一入到去，就俾佢個色彩繽紛既甜品櫃吸引住，好開心呀！
The market其中主打就係佢既榴槤甜品！榴槤控點會放過。除左榴槤都仲有其他甜品。。。例如朱古力慕絲蛋糕，綠茶奶凍等，我都樣樣試左d，佢好處係細細件，咁就可以試多幾款！好貼心！
不過，我眼中只有榴槤雪糕，其他甜品都覺得一般。榴槤雪糕好似食緊榴槤蓉咁，啖啖都有榴槤肉架！平時外面食都要3至40蚊一球，呢度任食！我想食十個呀😩可惜個胃唔夠位呀！
海鮮係the market另一個大推。黎到冷盤區，一大座龍蝦山等緊你！只能說hotel icon都幾大方，以前去過d自助餐，龍蝦呢d受歡迎產物好快俾人拎晒，要等一排先有人refill，然後又好快俾人拎哂。但係icon既龍蝦每次出去都見到呀！咁可能你會問係咪唔好食無人拎。咁梗係唔係喇。。個個隻碟都有架！龍蝦好新鮮，無雪味，d肉好爽口。
除左龍蝦，仲有青口，龍蝦鉗，長腳蟹，大蝦同螺。
咁多樣，我最鐘意食長腳蟹同東風螺！先講長腳蟹！啖啖肉，無海水味，反而有一股甜味，係蟹肉既鮮甜，解凍得岩岩好，唔會一口咬落去都係冰水。 另外，螺肉俾到我好大驚喜，隻隻都好大舊，肉質好爽口，而且感覺洗得好乾淨，食得好放心。以往食螺肉，間唔中會食到一兩隻有d臭味，但係我今次食左十幾隻都無腥臭味呀！另外，刺身，沙律和熟食款式亦唔算多。。沒有太多意見 ，對面那位覺得羊架不錯。
我喜歡佢既老火湯，今晚係椰子雪耳燉雞，好甜呀，雪耳爽口，椰子唔會太硬，用一個小砂煲盛載，外貌都100分喇！
如果你喜歡海鮮和榴槤，the market就岩晒你喇！但係如果你要食熟食既，選擇會較少，但質素不錯。另外，員工服務都好好，見你食完就會幫你收走污穢既碟。Book 位既時候同佢講慶祝生日，會有小蛋糕同寫字既服務！當晚就有十幾碟小蛋糕，等住同佢地主人慶祝。
總括而言，唔好期望太高，the market整体係中上既自助餐，如果唔係特別好龍蝦，食lunch buffet抵好多，冷盤好似只係少左龍蝦，但價錢係500同700既分別。
Post
