Video
Read full review
2024-07-07
4208 views
上次去Cafe Too 食buffet已經係幾年前嘅事。因為知道餐廳最近攪咗個海鮮街嘅主題，所以吸引我再一次訂枱試試。網上訂咗6月尾平日dinner buffet, 當晚個場都算Full晒， 証明呢個海鮮街主題都幾有吸引力。入座後我第一時間行一轉睇吓有乜嘢食， 除咗冷熟海鮮 ，吞拿魚拖羅外， 其他冷盤，熱葷，燒烤，甜品對我其實不算十分吸引。凍海鮮方面，可能人多關係，好多凍海鮮俾客人攞哂後，補充速度會比較慢。 呢個級數酒店來講，要客人等食物，應該需要改善。凍海鮮中，我較喜歡係有多款唔同種類嘅蟹。 懶碌蟹殼嘅會有一個蟹肉沙律，蟹拆咗肉， 啖啖肉食得更方便。 凍蝦甜但蝦肉唔爽。青口，蜆唔錯。魚生方面， 吞拿魚大，中拖羅當然會係最受歡迎。自助餐來講拖羅質素相當唔錯， 但好可惜八點半後已再攞唔到。 其他魚生如三文魚，油甘魚等都肥美。清蒸/蒜蓉蒸開邊即劏龍蝦， 我每款各食咗兩隻， 個人會比較喜歡清蒸。當晚燉湯好似叫五指毛桃燉瘦肉， 湯清但不太甜。 相反熱葷中嘅大㷛湯比較更好飲 。熱葷方面款式選擇算多，各式其式。當然不會全部都啱囗味，我估我試咗當中大概六，七成左右。但大部分受歡迎嘅熱葷食物其實過咗8
網上訂咗6月尾平日dinner buffet, 當晚個場都算Full晒， 証明呢個海鮮街主題都幾有吸引力。入座後我第一時間行一轉睇吓有乜嘢食， 除咗冷熟海鮮 ，吞拿魚拖羅外， 其他冷盤，熱葷，燒烤，甜品對我其實不算十分吸引。
凍海鮮方面，可能人多關係，好多凍海鮮俾客人攞哂後，補充速度會比較慢。 呢個級數酒店來講，要客人等食物，應該需要改善。凍海鮮中，我較喜歡係有多款唔同種類嘅蟹。 懶碌蟹殼嘅會有一個蟹肉沙律，蟹拆咗肉， 啖啖肉食得更方便。 凍蝦甜但蝦肉唔爽。青口，蜆唔錯。
魚生方面， 吞拿魚大，中拖羅當然會係最受歡迎。自助餐來講拖羅質素相當唔錯， 但好可惜八點半後已再攞唔到。 其他魚生如三文魚，油甘魚等都肥美。
清蒸/蒜蓉蒸開邊即劏龍蝦， 我每款各食咗兩隻， 個人會比較喜歡清蒸。
當晚燉湯好似叫五指毛桃燉瘦肉， 湯清但不太甜。 相反熱葷中嘅大㷛湯比較更好飲 。
熱葷方面款式選擇算多，各式其式。當然不會全部都啱囗味，我估我試咗當中大概六，七成左右。但大部分受歡迎嘅熱葷食物其實過咗8: 45後大都不再補充。
熟海鮮除咗蒸龍蝦外， 另有羅氏蝦，螺， 魷魚，蒸龍躉，鮑魚仔等，海鮮種類不算多。每種海鮮廚師會用不同烹調方法處理。但可惜客人不能要求廚師選用自己喜好方法烹調海鮮，原本我要求廚師用清蒸方式烹調幾隻鮑魚仔，但被廚師拒絕，感失望。
甜品方面款式選擇很多，各式各樣甜品都有，而我主攻嘅會係糕餅， 糕餅水準其實不錯，但如果要跟同級某幾間酒店自助餐嘅糕餅比較，我個人覺得會略為遜色。
Post
