Video
Read full review
2023-02-06
588 views
餐廳：July Coffee & Co. (深井)地址：深井深井村92號地舖趁住假期由荃灣西行個幾兩個鐘入去深井，沿住荃灣海濱走廊經過青山公路汀九段一直行，遠眺汀九橋同幾個泳灘泳灘🏖，確實喺幾悠閒寫意深井除咗出名食燒鵝之外，原來嘉頓有限公司同嘉頓展覽館都喺呢度，而香港有唔少老闆都喺因為鍾意咖啡而開Cafe，入到嚟我就專程搵咗呢間深井為數唔多嘅Cafe——July Coffee & Co. @julycoffeeco 食午餐Cafe開咗接近3年，以日式柔和色系——白色、灰色同木元素去裝修成間Cafe，簡約而舒適，Cafe提供唔少特色主食，例如慢煮藜麥飯同女巫湯義麵，另外近期亦有提供3款創意咖啡☕️：椰汁咖啡、西西里檸檬咖啡、冬季限定嘅吉普賽女王，吸引唔少人過嚟一試佢哋嘅獨特美食✝️松葉蟹肉明太子義大利麵 $90將松葉蟹肉碎拆出嚟，連埋明太子同香草等香料一齊加入義大利麵當中，食落除咗有一絲絲蟹肉香同蟹肉質感之外🦀，明太子唔會太濃味而搶奪咗其他材料嘅味道，微微鹹香同辛辣口味令義大利麵嘅味道大大提升，同時間唔會好油膩😋✝️雜莓窩夫配吉士 $78將窩夫切成四等份嘅三角形，淨係擺盤賣相已經非常吸引😍，底
地址：深井深井村92號地舖
趁住假期由荃灣西行個幾兩個鐘入去深井，沿住荃灣海濱走廊經過青山公路汀九段一直行，遠眺汀九橋同幾個泳灘泳灘🏖，確實喺幾悠閒寫意
深井除咗出名食燒鵝之外，原來嘉頓有限公司同嘉頓展覽館都喺呢度，而香港有唔少老闆都喺因為鍾意咖啡而開Cafe，入到嚟我就專程搵咗呢間深井為數唔多嘅Cafe——July Coffee & Co. @julycoffeeco 食午餐
Cafe開咗接近3年，以日式柔和色系——白色、灰色同木元素去裝修成間Cafe，
簡約而舒適，Cafe提供唔少特色主食，例如慢煮藜麥飯同女巫湯義麵，另外近期亦有提供3款創意咖啡☕️：椰汁咖啡、西西里檸檬咖啡、冬季限定嘅吉普賽女王，吸引唔少人過嚟一試佢哋嘅獨特美食
✝️松葉蟹肉明太子義大利麵 $90
將松葉蟹肉碎拆出嚟，連埋明太子同香草等香料一齊加入義大利麵當中，
食落除咗有一絲絲蟹肉香同蟹肉質感之外🦀，明太子唔會太濃味而搶奪咗其他材料嘅味道，
微微鹹香同辛辣口味令義大利麵嘅味道大大提升，同時間唔會好油膩😋
✝️雜莓窩夫配吉士 $78
將窩夫切成四等份嘅三角形，淨係擺盤賣相已經非常吸引😍，
底下放咗吉士醬，旁邊仲有士多啤梨同埋藍莓做裝飾襯托🍓🫐，中和咗食甜品嘅油膩感同減少罪惡感🤪。
窩夫熱壓成外脆內煙韌🧇，加上楓糖漿一齊食仲增加咗一絲絲甜蜜滋味🍯，無論打卡定喺作為飯後甜品都一樣咁正🥰
跟餐叫飲品有優惠，加$15叫咗杯原價$36嘅Latte，仲可以免費轉脫脂奶，多個健康選擇👍，
另外叫咗個Espresso Combo($40)，有一Shot Espresso同一杯8oz嘅Latte，呢度嘅Latte奶味較重，飲落香醇幼滑，而July Coffee & Co. 所用嘅咖啡豆喺自家烘焙嘅，喺外面就搵唔到呢種獨有嘅味道喇🤓
Post
