川大哥

Open Now

Now Closed

📍深水埗朋友係加拿大返嚟，話好想食中菜，決定帶佢過嚟食辣嘢。呢度份量都好大碟，冷氣都好夠，算係喺石硤尾，太子，深水埗中間。青花椒酸菜魚比較似係酸菜魚火鍋，之後仲可以落配料。魚片好滑溜，份量都好多，兩個女仔食其實都幾多。青花椒味道好出，比起普通酸菜味特別。青花椒越煮越耐就會越辣，揀咗小辣都好辣。另外仲有啲芽菜之類嘅配菜。牛肉跟酸菜魚加$58就有一碟牛肉，大概有6塊左右。雜菜盤係生菜，油麥菜，娃娃菜，三種配搭。份量超級大盤，真係可以三四個人食都冇問題。薯粉薯粉浸咗落個湯煮，好煙靭，吸晒啲味。雞翼串燒方面就揀咗雞翼，份量有四隻，兩個人share食。冷泡茶呢度仲有自家製冷泡茶，同朋友一人一杯，解辣。