Espressamente illy (Closed)

話說準備係TST 睇show, 只有50mins食，晚上不想吃快餐，見Illy cafe 冇乜人，記得食評唔錯，可能其他人以為只係coffee shop，dinner time 都有吉枱，就選擇佢，點知咁就出事，上餐過程錯左待應聲稱電腦打柴，所以上菜靠人腦，上錯哂人地杯野飲同main dish比我，我真正要既則遲遲未上，望住隻錶，腎上腺素急升，我食得幾快都要15mins 先ko到，成班staff零危急處理能力，handle唔到「爆籠」情況。雜菜湯：出乎意料喎，幾多雜菜，附上的麵包條OK熱牛奶：我只係得2分半鐘就要飲完呢杯打熱既牛奶，其實呢個好難整得衰，奶泡算幾fine, 用Meiji 牛奶。水牛芝士xx香草包：要求外賣拎走，仲要再問呢個趕時間既人係米要打包⋯都吾知有冇比啱包我，因為我記得應該有香腸，但變左火腿，芝士，火箭菜。冇時間照食，外面烤得夠熱，香草味夠，但堅鹹，我食得重口味都頂吾到，敗筆。同樣價錢，吾符合係香港既brand image，可能係意大利都係老麥級數。