串串燒 by Season (Closed)

忙完一輪，終於可以放下假，同男朋友去食好西！聽朋友講呢間有個清酒無限時任飲，今晚就同男朋友黎試下。黎到一坐低就見到每人HKD168，就可以成晚任飲清酒、紅白酒同埋Cocktail，真係好吸引！我地7點去到坐低就即係叫支清酒試試，呢度既清酒款式好多，一共有24款清酒任你試，餐牌上亦有介紹清酒既4大分類，分別有薰、爽、熟、醇都好清楚咁標明每款清酒既口感，方便客人揀最適合自己既清酒。我地由口感比較淡既開始飲，之後再循序漸進咁試到口感較濃既清酒，再配埋串燒，一流！食串燒前，我地先叫左個清酒煮蜆，個湯入面落既清酒比例岩岩好，唔會過重酒味而蓋過蜆既鮮味，蜆肉隻隻都飽滿同爽口，好新鮮，而家完全無沙。蒜蓉金菇，望落去好似好油，但食落岩岩好，個金菇索哂個蒜味好香。燒牛舌、燒火雞腎、燒日本金薯燒日本雞泡魚，配酒必選既小食！麻辣魷魚，夠哂麻，一d都唔油，但因為我唔食椒，所以畀哂我男朋友食😂孜然蒜蓉茄子，超JUICY！好食到可以一個人食哂成條茄子。蒜蓉大元貝，好大隻，又JUICY又爽口！風味焗蠔四食，分別有柚子醬、黑松露醬、明太子醬、蒜蓉，4款味道都各有特食，而且蠔肉本身都好肥美。食住串燒飲清酒，仲要無限時任