Petit Deli (Closed)

前排同女朋友經過門口見到有情人節套餐,見到幾豐富，入面又坐爆曬人👍睇落又幾有情調，咁就決定落訂情人節同女朋友撐枱腳😍到左情人節，入到去，燈光暗暗地，又有蠟燭係枱面，情調十足，完全加曬分由於一早已經有店員問左我地食咩，所以一黎到已經上頭盤頭盤係煙三文魚他他同帶子刺身煙三文魚他他咬落質感好好👍好開胃，食完已經好期待第二道菜帶子刺身夠鮮，薄切。刀工好好😍帶子上面加左海鹽，完原帶出帶子嘅鮮甜，一讚隔左陣上左個鵝肝多士配黑松露啫喱，店員好細心咁講解點樣食，佢話要將個啫喱放係個鵝肝上面一齊食就好正，開頭都唔信，諗住一件分開一件放係上面分開果件平平無奇，正常一件鵝肝同啫喱不過另外果件夾埋一齊食，好正，黑松露啫喱解左鵝肝嘅油膩，突出鵝肝嘅香😉呢個配合一絕，第二讚到上頭盤啦😍期待已久我地揀左肉眼同羊排講左個肉眼先，分量好多😂連我咁大食都覺得好大份，下面重要配埋啲燴飯，睇落都覺得飽首先肉眼煎到半生熟，肉質嫩滑另外個羊排，又係好大份好足料，食到呢度已經好飽首先羊排底下加左紅菜頭蓉，第一次見，平時都係薯蓉，好特別👍第三讚聽講紅菜頭蓉好健康，唔知我食完有冇健康到😂食到呢度已經好飽好飽😂點知就上甜品有個士多啤梨批