Friend’s Kitchen

Open Now

Now Closed

飲奶茶食蛋撻可以話係好多香港人最鍾意嘅下午茶，但疫情減少堂食之下，依家係屋企都可以嘆到靚奶茶喇。「港.飲茶」係近年創立嘅新品牌，主打四款傳統港式茶飲：奶茶、鴛鴦、檸茶及檸啡，每款飲品都係全人手製作，冇任何添加劑及防腐劑，保證原汁原味。包裝好精美，飲完個樽仲可以循環再用，非常環保。今次就試左港式奶茶及鴛鴦。港式奶茶 :茶味香醇唔澀，入口幼滑滲出淡淡奶味，飲完後仍然有輕輕茶香味徘徊於口腔入面，回味無窮。港式鴛鴦 :奶茶加入左咖啡後，味道更有層次，咖啡味較濃，但唔會搶晒奶茶味，兩者味道好夾。絕對值得支持嘅本地品牌，有機會真係要試埋檸茶同檸啡。