賞味軒 (Closed)

港大入邊咁多間港大canteen其中一間就係UDeli, 佢提供咗唔同嘅台式特飲， 同埋各類嘅小食例如章魚燒，炸雞扒等等，味道ok，價錢都算正常，假如要食一個中午飯餐都係40蚊樓下，所以平時都多人食。 呢間並冇坐嘅位， 如果要食嘅話就要拎出去出面冇冷氣嘅地方， 或者要拎上一層冇枱嘅地方食，有少少不便。今次我就叫咗卡邦尼長通粉同珍珠奶茶，我覺得味道稍為有少少淡，不過仍可接受。唯一覺得有少少可惜嘅就係份量唔算特別多，對於大食嘅人可能未必會飽。當然，對比港島物價，真係算不錯了。 有時轉堂嘅時候買個小食，都係唔錯嘅選擇。