Lady Nara

Open Now

Now Closed

海港城ladynara晚餐，由入門口個刻開始就已經好igable，有打卡位之如，食物擺盤都非常適合打卡。食物方面，全部都係即叫即整，夠晒熱。雞翼拼盤有3種味，脆漿夠脆亦唔會太厚，三種唔同口味都唔錯。芒果軟殼蟹米紙卷d軟殼蟹炸得夠脆，又唔會太油，不過芒果就唔夠甜，帶唔出芒味既香味，而且大家可以留意下佢米紙卷入面好多芫茜，如果唔啱食既記得唔好叫，落單既時候waiter冇提醒我哋。冬蔭煙肉忌廉意粉係全晚最好食既，冬蔭公味同忌廉味攞到個balance，食到冬蔭公香味之餘亦有忌廉好滑既口感。甜品既香蕉Nutella煎餅都好食，唔會太甜，而且本身香蕉同Nutella好夾。飲品就整得好靚打卡一流，味道就一般啦，不過不失。