英記火鍋海鮮酒家 (Closed)

𠵱家香港真係一年四季都可以打邊爐，或者已成為香港人出街食飯一個好選擇，因為係星期五晚所以預早一星期前打電話book位，當晚7點上到去已經全場滿座，好在book左枱，一行四人坐底就叫嘢食，先揀湯底，我吔揀左蘋果海底椰湯底，因為大家都喜歡食牛肉所以就點左碟鳥取和牛同本地肥牛，再叫左大花甲，豬什，響鈴，牛脷等食物，食物全部都好新鮮，尤其大花甲好鮮甜值得推介，鳥取和牛可以當刺身食亦可以輕輕灼幾秒食，雖然當晚全場滿座服務員都好忙招呼客人，但佢哋嘅服務一樣維持住有笑容好有禮貌去招呼，呢樣真係值得一讚，𠵱家香港揾到一間食物好而服務又好嘅食店就要多啲支持。