Video
Read full review
2023-08-27
282 views
之前真漢子認識有素食嘅泰菜餐廳都係响九龍區，今次為大家介紹嘅 Check In ThaiViet 就位於上環（近西營盤站），適合响港島區工作或居住嘅素友們。🥦😘雖然唔係素食餐廳，但佢有一頁六款嘅素食餐牌，同肉食朋友嚟食飯唔使剩係咬通菜喇。🥳🎉我同太太今次試咗：🇻🇳 越式米紙素卷 $78有沙律菜同牛油果包响米紙中，點啲甜酸汁一齊食。材料夠新鮮，但可以想像到會比較大草青味，所以平時食開沙律嘅朋友會較易接受。🥗🍜 金不換雜菜乾炒河粉 $98 （有蛋）可能冇哂河粉所以上嘅係金邊粉。雜菜有西蘭花，紅蘿蔔，雲耳，粟米芯。啲蛋炒芸哂落啲金邊粉度，加埋金不換嘅獨特香味，每啖粉都好香口好好食。😋🍛 雜菜炒飯 $88（有蛋）叫呢個之前同太太猶豫緊好唔好叫，因為我形住會好齋同乾噌噌，後尾都叫咗。食咗之後我幾肯定，炒嘢應該係個廚嘅強項，因為個炒飯重好食過個炒金邊粉。👍啲飯炒得好乾身，蛋又平均分布响飯度，所以粒粒分明。雜菜有紅蘿蔔粒，粟米粒同豆角粒（啱哂三色豆 fans 😝），仲有少少蔥花。雖然配料好簡單，但食落完全唔覺單調。其實呢個菜唔係越式又唔係泰式，比較接近港式嘅炒法，不過我覺得最緊要好食啫，你哋話係唔係
雖然唔係素食餐廳，但佢有一頁六款嘅素食餐牌，同肉食朋友嚟食飯唔使剩係咬通菜喇。🥳🎉
我同太太今次試咗：🇻🇳 越式米紙素卷 $78
越式米紙素卷
$78
35 views
0 likes
0 comments
🍜 金不換雜菜乾炒河粉 $98 （有蛋）
金不換雜菜乾炒河粉
$98
33 views
0 likes
0 comments
🍛 雜菜炒飯 $88（有蛋）
雜菜炒飯
$88
25 views
0 likes
0 comments
啲飯炒得好乾身，蛋又平均分布响飯度，所以粒粒分明。雜菜有紅蘿蔔粒，粟米粒同豆角粒（啱哂三色豆 fans 😝），仲有少少蔥花。雖然配料好簡單，但食落完全唔覺單調。其實呢個菜唔係越式又唔係泰式，比較接近港式嘅炒法，不過我覺得最緊要好食啫，你哋話係唔係？😸
🍲 素翅豆腐木耳羹 $108
素翅豆腐木耳羹
$108
27 views
0 likes
0 comments
餐牌上仲有其他蔬菜類如炒通菜，炒椰菜苗，粉絲雜菜煲等素友們都可以嗌，甜品除咗芒果糯米飯，我見到越式杏片炸香蕉都幾特色喎，如果唔係食飽咗都想叫嚟試吓。😜
注意餐廳座位唔多，所以預早訂位比較穩陣（星期日休息）。📞
Other Info. :
題外話，今次第二次嚟西營盤食嘢，我幾鍾意呢度，因為有港島獨有嘅氣息之餘又冇乜遊客，真係清泉。最近香港嘅旅遊業復常返，好多地方如旺角，尖沙咀，中環都唔係好敢去了，就借呢個機會發掘吓唔同地區嘅小店去試食吓都係好事嚟嘅。☺️😎
(The above review is the personal opinion of a user which does not represent OpenRice's point of view.)
Post
