阿爺燒鵝餐室 (Closed)

難得早放工就決定四圍覓食，見到港島東竟然有主打食燒鵝嘅鋪頭，門面又幾靚，就決定試下。餐牌有好多唔同選擇，除左燒味同燒味飯，仲有Ｄ套餐可以揀。但既然燒鵝出名，我就梗係點燒鵝髀飯，朋友就點咗叉燒油雞飯。燒鵝髀飯一嚟到，望到都口水流，大大隻脾又好有肉汁。一咬落去，鵝油好香之餘仲有啲煙燻味，個皮都幾脆，肉厚得黎肉質嫩而不柴。朋友望望下都忍唔住偷咗我一舊嚟食😂😂餐廳環境算唔錯，唔同一般街坊燒味店，一啲都唔污糟，牆上仲掛有啲好得意嘅鵝畫。後尾食完先睇到貼係門上嘅剪報，原來鋪頭係用上100日嘅鵝煙燻而成，唔怪得咁嫩又有汁。