Cyprium Cafe

Open Now

Now Closed

之前見過好多食評都話呢一間嘅質素一般，今日經過見到佢嘅午餐都唔算貴，就諗住平平哋去試下。餐廳座位都坐得幾舒服，午餐選擇都算多，我哋分別叫咗美國穀飼豚肉扒配薯菜及香煎龍利柳配薯菜午餐包沙律、湯、飲品及甜品，個餐係全個餐一齊上嘅，用托盤裝著，感覺有啲似茶餐廳而且食物望落去質素都係非常一般，呢個價格可能就係呢一種食物質素罷了香煎龍脷柳以為叫魚應該會比較穩陣，點知嚟到啲魚超級腥有雪藏味，雖然好大塊，但係好難食薯菜係薯角，炸得唔夠香脆，比較生咁，都係一般。另外，湯有輕微誠意，唔係完全溝出嚟，有啲蘑菇碎，但係個湯偏咸，味道都非常一般。沙律菜反而唔錯，沙律夠新鮮，配麻醬。甜品方面，有朱古力蛋糕，呢個我覺得幾好食，但係就偏甜。 最抵嘅係餐飲加8蚊可以轉特色咖啡，我哋揀咗rose latte及hazelnut latte咖啡好飲。Rose latte有玫瑰香味咖啡味，而且唔算甜，所以幾好飲。hazelnut latte唔會太甜，咖啡味都係好香，所以呢度咖啡真係唔錯。另外，美國穀飼豚肉扒有3小塊，肉質幾林，但係偏咸，但還可以接受。午市價錢唔貴，午餐都包幾多食物，不過呢個食物質素都唔會再嚟喇。