原作養生湯米線

Open Now

Now Closed

扮工周二嚟試試午餐，有6個選擇，配小食同飲品。我今次揀咗桃膠椰子雞湯米線，配黑松露溏心蛋，同埋羅漢果茶。食所有麵類第一件事，都係要先飲湯！椰子味濃郁，略帶甜味，好味，亦都欣賞佢加蟲草花做配料😋桃膠連埋啲湯食，有少少好似食糖水咁😂反而主菜就中規中矩，正常發揮但唔出色：雞件唔鞋，但亦冇好嫩滑同鮮味；米線軟硬適中，但冇好滑溜嘅感覺。好在食完成碗粉冇好口渴嘅感覺，呢點好重要。 溏心蛋配黑松露醬都係第一次聽，配搭有趣，溏心都恰到好處，不過蛋白調味太咸，有啲扣分。羅漢果茶味道就唔錯。