Video
Read full review
2019-10-04
661 views
熊貓酒店商場雖然名義上都係酒店屬下o既購物商場，但係d 店舖都仲係好親民，行下街食下o野洗費都唔方大得去邊。呢間拉麵店位於一條全部都係食肆o既巷o既中間，本身有少少類似居酒屋o既設計，更加擺放o左多隻多啦a 夢擺設，包括其中一隻有大半個人咁高，等我同佢握下手先～午餐時段有套餐可叫，一個拉麵可配搭一個小食甚至一個迷你飯，另外再送o野飲。咁餐廳叫得札幌拉麵，梗係要試下佢o既札幌名物啦，所以點o左一碗札幌螃蟹拉麵(跟餐$78 未加一)。個碗係店家自己設計的，個麵o既湯底我覺得幾特別，menu 都有提到湯底係「來自豚骨同雞o既絕妙balance，長時間小心熬製」，味道無一般食開o既豬骨湯咁濃而偏鹹，會清淡一d，反而襯托到蟹肉o既鮮甜。蟹棒份量唔算話好多，但真的真材實料，誠意可嘉。自選小食嗌o左客串燒雞翼，燒到金黃色好香，擠上少少檸檬汁吊味仲正。貼心o既係店家已經輕微拆o左骨，唔會令到食相好核突！呢個餐跟餐包汽水，寫o左罐玉泉。我地仲點o左一份章魚燒($38)，有五粒，粒粒都好大粒好飽滿，上面瀋o既木魚碎又鬼咁死多。口感煙韌，醬汁惹味，食親呢d 都好驚一啖咬落去然後被辣親，但總係忍唔住想快d 趁
午餐時段有套餐可叫，一個拉麵可配搭一個小食甚至一個迷你飯，另外再送o野飲。咁餐廳叫得札幌拉麵，梗係要試下佢o既札幌名物啦，所以點o左一碗札幌螃蟹拉麵(跟餐$78 未加一)。
札幌螃蟹拉麵 (跟餐$78)
26 views
0 likes
0 comments
個碗係店家自己設計的，個麵o既湯底我覺得幾特別，menu 都有提到湯底係「來自豚骨同雞o既絕妙balance，長時間小心熬製」，味道無一般食開o既豬骨湯咁濃而偏鹹，會清淡一d，反而襯托到蟹肉o既鮮甜。蟹棒份量唔算話好多，但真的真材實料，誠意可嘉。
自選小食嗌o左客串燒雞翼，燒到金黃色好香，擠上少少檸檬汁吊味仲正。貼心o既係店家已經輕微拆o左骨，唔會令到食相好核突！呢個餐跟餐包汽水，寫o左罐玉泉。
串燒雞翼
17 views
0 likes
0 comments
我地仲點o左一份章魚燒($38)，有五粒，粒粒都好大粒好飽滿，上面瀋o既木魚碎又鬼咁死多。口感煙韌，醬汁惹味，食親呢d 都好驚一啖咬落去然後被辣親，但總係忍唔住想快d 趁熱大快朵頤～
章魚燒
2 views
0 likes
0 comments
最後整番串迷你甜薯($18/串) 當做甜品，佢o既表層燒到燶燶地，食落充斥住自然o既甜味，細細粒一啖一粒，拍多粒都唔過份！
迷你甜薯 ($18/串)
9 views
0 likes
0 comments
Post
