Video
Read full review
2023-08-13
228 views
今日11點約咗幫小朋友喺灣仔影學生相，影完大概11:30 ，就打算搵地方食lunch。我搵到一間好出名食泰國菜嘅餐廳，只需要行10分鐘就到，所以就決定試食呢一間啦。餐廳嘅開門時間係中午12點，我哋11:45已經到達，門口已經開始有人排隊，目測我哋前邊大概有10個人，好快就到12點我哋就安排入座。我店舖位置唔算好大，大概有八至10張枱。可惜嘅係佢哋冇BB凳，所以我唯有抱住小朋友坐，係比較辛苦少少。我哋點咗三樣主菜，包括有泰式和牛濃湯河$138招牌泰式蟹肉炒飯$138，炸豬頸肉配烤蕃茄辣醬$68，一杯泰式招牌奶茶$48。泰式和牛濃湯河湯底，牛味非常濃郁，大概有三至四片嘅和牛片，兩粒魚蛋, 炸魚皮同埋香菜，魚蛋非常彈牙，泰國湯河口感爽口，加上炸魚皮嘅香脆，整體口感上非常豐富。泰式蟹肉炒飯，比起頭先嘅湯河就比較淡味少少🤏，不過亦都食得出蟹肉嘅鮮味，加上會配一點辣椒🌶️豉油，喜歡食辣嘅朋友可以一試，而且一相當大碟，絕對足夠兩個人食。小食方面，炸豬頸肉外表鬆脆但肉質略為粗糙，而且味道偏鹹，配炒飯一齊食會比較好。而杯泰式奶茶一如以往嘅出色，非常泰式風味，茶味比較濃，但又唔會太甜，本人非常欣賞。店員非常
餐廳嘅開門時間係中午12點，我哋11:45已經到達，門口已經開始有人排隊，目測我哋前邊大概有10個人，好快就到12點我哋就安排入座。我店舖位置唔算好大，大概有八至10張枱。可惜嘅係佢哋冇BB凳，所以我唯有抱住小朋友坐，係比較辛苦少少。
我哋點咗三樣主菜，包括有泰式和牛濃湯河$138
招牌泰式蟹肉炒飯$138，炸豬頸肉配烤蕃茄辣醬$68，一杯泰式招牌奶茶$48。
泰式和牛濃湯河湯底，牛味非常濃郁，大概有三至四片嘅和牛片，兩粒魚蛋, 炸魚皮同埋香菜，魚蛋非常彈牙，泰國湯河口感爽口，加上炸魚皮嘅香脆，整體口感上非常豐富。
泰式蟹肉炒飯，比起頭先嘅湯河就比較淡味少少🤏，不過亦都食得出蟹肉嘅鮮味，加上會配一點辣椒🌶️豉油，喜歡食辣嘅朋友可以一試，而且一相當大碟，絕對足夠兩個人食。
小食方面，炸豬頸肉外表鬆脆但肉質略為粗糙，而且味道偏鹹，配炒飯一齊食會比較好。而杯泰式奶茶一如以往嘅出色，非常泰式風味，茶味比較濃，但又唔會太甜，本人非常欣賞。
店員非常親切有禮殷勤，非常主動幫忙清潔枱面，值得一讚。食完呢一餐之後，直頭當自己去咗一轉泰國旅行咁，👍👍👍👍
Post
