十兄弟車仔麵 (Closed)

星期日近近地去灣仔食個lunch，成日經過春園街呢間十兄弟車仔麵好吸引，今日一於試下先~星期日下午近乎坐滿客人，餐廳用QR code落單，非常方便🌟呢碗唔野少 ($75)▫️蠔油冬菇▫️香辣玻璃魷魚▫️鮑汁魚肚▫️蠔皇紅燒鮑魚▫️日本珍寶蟹柳 選擇困難既我唔知揀邊款好，見到餐廳貼左呢款叫做「呢碗唔野少」既麵，有齊餐廳必食既招牌餸，唔洗諗就要呢個啦🥰，有兩隻紅燒鮑魚，第一次食車仔麵有鮑魚做餸，超高質，珍寶蟹柳勁大條好好味，麵底可以揀菜底、粉麵底，我就揀左平時少見既菠菜麵，夠健康又幾好食👍🏻👍🏻👍🏻🌟杯裝豆漿 ($6)飲品就叫左杯凍豆漿，有甜豆漿同無糖豆漿，正💯