小豆島日本料理 (Closed)

有一排冇食小豆島，最近竟然幾日內食咗兩次，一於寫個食評紀念下。午市定食佢哋午市定食好豐富，但價錢略貴。今次冇食早餐，有啲餓，一於食lunch當食brunch！ 午市有7款定食，有烏冬、卷物、飯，我揀咗溫泉玉子牛肉稻庭烏冬定食，配炸餃子3件、壽司2件和飲品，$74。我唔食三文魚，換咗加州壽司。稻庭烏冬口感一般。不過牛肉就好多，應該有10片8片，好有誠意。溫泉蛋剛從冰水取出來，一啖搞掂，口感滑嫩。加州壽司、炸餃子就冇乜特別。晚餐火鍋又係好餓嘅情況下去小豆島醫肚，點咗牛肉火鍋，火鍋分量少，牛肉得幾片，主要係白菜，冇白飯送，唔夠飽。點多個炸蝦天婦羅，唔算好酥脆，食完就夠飽。🤣🤣整體上，餐廳嘅食物屬於街坊品質，唔算高質（高質就唔係呢個價錢啦😅），但水準穩定，唔會難食，受街坊歡迎。