金公館 (Moved) New Location

前排香港日日落大雨，搞到個人濕氣好重，於是成班朋友就去咗試喺銅鑼灣同灣仔交界嘅金公館，食下辣野又敍下舊。餐廳位置唔算太難搵，裝修亦都幾靚，可能係因為平日夜晚嘅關係，成晚只係得三四枱客。首先嗌左一鍋杏汁豬肺湯，諗住如果辣得滯都有碗湯降下火。杏汁味十分濃，又夠滑。湯渣都好味，最後所有湯渣都俾我地食晒。辣炒雞軟骨，雞軟骨香脆而且份量足，最啱用嚟送酒。相比起雞軟骨，一班朋友更鍾意呢個辣炒豬大腸，一咬落去豬大腸啲油連埋辣味係個口噴髮出嚟，諗起都覺邪惡。水煮魚亦都有水準。相比之下，樟茶鴨只係大路之選。