嚐館 (Closed)

雖然有人講黃大仙無咩好野食，但有時如果四處去尋覓下d餐廳都會有D小驚喜！今日係一間Cityfresh Bistro 餐廳食下d小菜，小菜套餐本身都包左例湯、白飯、飲品。餐廳除左西餐、中餐之外，都仲有pizza、小食等等，係一間多元化餐廳黎。椒鹽金沙骨香口美味，甚有大排檔風味，而且椒鹽金沙骨都仲係好juicy，無過多的油膩感，送飯一流！蜜椒薯仔牛柳粒黑椒牛柳微辣，而且唔會煮得過火，薯仔粒外脆內軟，醬汁惹味，份量都足夠。炸洋蔥圈呢個都真係幾驚喜，炸洋蔥圈可口美味，價錢唔貴，份量又多，呢個洋蔥圈用黎送酒一流。總括而言，餐廳野食雖都係簡單小菜，但價錢、味道、份量都係相當唔錯，值得再黎。