Ciao

Open Now

Now Closed

石門呢到愈黎愈開得多特色小店，今次就黎食個西餐先得，同朋友落單分別點左香煎西冷意粉($98)、安格斯牛肉漢堡($108)，黑松露薯蓉($28)、另外加+$38跟配湯、甜品、飲品番茄湯：成碗湯見到滿滿嘅番茄蓉，非常足料，同埋裡面仲有紅豆，味道飲落去好濃郁😋檸檬利賓納：太耐冇飲一於飲下先得，酸酸甜甜幾好飲夠解渴😁香煎西冷意粉：西冷落單時冇得選擇生熟程度，所以都驚會過熟冇咁好食😅點知上菜時見到又煎得幾靚仔，大約5成熟，外表煎香，內裡嫩滑，啱晒我😉同埋西冷已經切好左一塊塊，夠晒方便👍🏻意粉軟硬度適中，仲要掛滿蘑菇片同醬汁，所以味道幾香濃滋味😋黑松露薯蓉：冇諗過個SIDE DISH居然咁有份量，成碗滿一滿食完夠飽肚😜薯蓉軟滑又充滿住濃烈嘅黑松露香味，每一啖味道都極為香濃，超正😍安格斯牛肉漢堡：成個BURGER水準非常之高👍🏻麵包烘得香脆，而內裡塊安格斯牛肉夠厚身，肉味極為香濃又夠JUICY🤩仲要加上生菜，番茄，同大量芝士，味道層次夠豐富亦好FRESH🤤伴碟仲有沙律菜可以清一清口味，而粗薯條炸得夠脆👍🏻CHOCOLATE CAKE：最後當然食個甜品先夠圓滿，件CAKE好軟滑，朱古力味又夠濃但唔會膩