東京大眾酒場 (Closed)

之前有朋友推介呢間餐廳，話好好食，所以今日就同男朋友加朋友一齊去食。呢度環境好溫馨，好岩三五知己一齊食野傾計。重可以出去點餐，睇有咩關東煮想食，直接揀。一坐底就比左雞湯我地飲，暖笠笠又香濃，飲緊雞既精華，讚！關東煮🍢我地點左竹輪、酒場板燒魚蛋、魚餅、魷魚鬚魚蛋、豬腸、褔袋同烏冬，熱辣辣，全部都煮得好入味。尤其係豬腸，煮得好冧，好好食，而魷魚鬚魚蛋好有趣，魚蛋條中間有條魷魚，好特別，重有辣醬點。串燒我地叫左好多串燒，餐廳重比鐵板我地，可以助熱串燒，吾怕咁快凍，真好服務！我地叫左牛舌串、和牛串，都好重牛味，牛舌爽口，和牛冧，正！重有黑毛豬腩串、雞軟骨串，好爽口，而明太子玉子燒就好抵食，好特別。野菜盛合食左咁多肉，緊係要食翻d蔬菜類，有雞脾菇、冬菇同金針菇，好香蒜味。炸物芝士薯餅，份量好足，食落啖啖芝士同薯蓉，超級正，又脆。而明太子雞翼，無骨，辣辣地，好惹味。蟹肉蟹膏甲羅燒燒得好香，重要好多蟹肉同蟹膏，好鮮甜，配埋薯片，食落好crispy！美人鍋超級大份量，有好多雞件同蔬菜，有生菜、娃娃菜、冬菇同豆腐，好抵食！食到咁上下，重有烏冬同雞湯煮埋一齊，好滋味。