Video
Read full review
2022-06-20
691 views
湊湊火鍋🍲一直都想食好耐佢哋嘅麻辣湯底同鴨血好正咁岩經過將南都有一間就去食下新推出嘅清涼椰子雞鍋依家凡點購清涼椰子雞鍋仲可以66折加購指定新品一客‼️可以竹笙/鹽酥雞/風味湊湊3選1打完邊爐仲會附送乳酸沙冰同梅子茶凍餐廳嘅座位闊落環境舒適鐘意打邊爐嘅朋友真係絕對要試吓😋🔸清涼椰子雞鍋/台式麻辣鍋 $276今次我哋嘅鴛鴦鍋選擇咗呢兩個湯底，清涼椰子雞鍋係湊湊最新推出嘅產品，係由新加坡果邊引進，呢個湯底主要係以椰子同雞肉去煲，椰子水同椰肉非常清甜，雞肉亦好嫩滑，再加埋檸檬葉令到就湯底更加香同清新，就咁飲都好好飲🤣台式麻辣鍋就係湊湊嘅招牌湯底，主要以雞骨同牛骨再加上多種中藥材熬製而成，辣度唔會話太辣，不過就勁香，鴨血同豆腐仲可以無限添加，真係既好味又抵食😍🔸美國特選級牛小排 $228牛小排色澤好靚，食落肉質好嫩滑，完全唔韌，亦都食到好濃牛味，絕對對得住呢個價錢😋🔸伊比利亞黑豬肉 $138呢碟豬肉片份量好多，每一片都肥瘦好平均，厚度亦啱啱好，一啖食哂成片個口感勁正😍🔸飛魚籽墨魚滑 $68店員非常貼心，幫我哋將一大嚿墨魚滑分成十幾粒形狀大小都差不多嘅墨魚丸，而且每嚿都沾有飛魚籽，食落好彈牙，打邊爐
佢哋嘅麻辣湯底同鴨血好正
咁岩經過將南都有一間
就去食下新推出嘅清涼椰子雞鍋
依家凡點購清涼椰子雞鍋
仲可以66折加購指定新品一客‼️
可以竹笙/鹽酥雞/風味湊湊3選1
打完邊爐仲會附送乳酸沙冰同梅子茶凍
餐廳嘅座位闊落環境舒適
鐘意打邊爐嘅朋友真係絕對要試吓😋
🔸清涼椰子雞鍋/台式麻辣鍋 $276
今次我哋嘅鴛鴦鍋選擇咗呢兩個湯底，清涼椰子雞鍋係湊湊最新推出嘅產品，係由新加坡果邊引進，呢個湯底主要係以椰子同雞肉去煲，椰子水同椰肉非常清甜，雞肉亦好嫩滑，再加埋檸檬葉令到就湯底更加香同清新，就咁飲都好好飲🤣台式麻辣鍋就係湊湊嘅招牌湯底，主要以雞骨同牛骨再加上多種中藥材熬製而成，辣度唔會話太辣，不過就勁香，鴨血同豆腐仲可以無限添加，真係既好味又抵食😍
🔸美國特選級牛小排 $228
牛小排色澤好靚，食落肉質好嫩滑，完全唔韌，亦都食到好濃牛味，絕對對得住呢個價錢😋
🔸伊比利亞黑豬肉 $138
呢碟豬肉片份量好多，每一片都肥瘦好平均，厚度亦啱啱好，一啖食哂成片個口感勁正😍
🔸飛魚籽墨魚滑 $68
店員非常貼心，幫我哋將一大嚿墨魚滑分成十幾粒形狀大小都差不多嘅墨魚丸，而且每嚿都沾有飛魚籽，食落好彈牙，打邊爐食真係一流
🔸企鵝丸 $59
呢道菜嘅賣相真係好得意呀🤣真係唔係幾捨得食，拎嚟打卡一流。食落亦都食到好香濃嘅墨魚味，口感好彈牙👍
🔸芝士魚腐 $49
一份有六粒，一咬開爆哂芝士，魚腐軟淋淋好夾d芝士，不過要睇熱呀🤣
🔸油麥菜 $38
打邊爐我最鍾意就係油麥菜，食落爽口之餘亦索到哂d湯汁，非常之好味😋
🔸鳳城水餃 $68
估唔到火鍋店嘅水餃都咁出色，賣相靚之餘仲要皮薄餡靚，淥完之後點火鍋醬流食一流🤤
🔸響鈴 $58
一份響鈴有八條，湊湊嘅響鈴比平時超市買果d更濃豆味，同時亦好脆身，淥幾秒就食啱啱好，絕對係火鍋必點菜式之一🤩
🔸大紅袍珍珠奶茶 $33
呢杯係湊湊嘅招牌飲品，茶味非常香濃，飲落甜甜哋，茶味同奶味相結合非常之夾，再配埋用木薯粉製作嘅珍珠，口感煙韌彈牙，真係好好飲😋
🔸水蜜桃綠茶 $32
睇個外表仲以為係啤酒🤣杯綠茶好重水蜜桃味，甜度適中，最重要係佢勁大杯呀，啱哂打邊爐大啖大啖飲
Post
