咯咯雞韓食店 (牡丹大廈) (Closed)

大角咀出名多野食，呢日就打算打賣唔同野食外賣返屋企食，第一站就係呢間韓國炸雞啦。炸雞有幾種口味選擇，比較特別嘅有港式鹹蛋黃味，不過今次我地就無試啦，最後揀左柚子檸檬醬雙拼三重混合芝士醬（二人份，外賣膠袋+$1，共$159）。當時人比較較多，最後要等大約二十分鐘先攞到。等正式食果陣都超過半個鐘啦，炸雞點都無可能好似即食咁脆。芝士醬係分開裝嘅，但柚子檸檬醬就一開始淋左落去，但食落仲有少少脆同香口，雞肉唔太乾。柚子檸檬酸酸甜甜幾開胃，芝士醬同芝士碎凍左都唔係太差，醬嘅味道本身都幾豐富。個底仲有少少泡菜，都幾好食。