火鳳凰火鍋料理 (Closed)

近期天氣日夜溫差都幾大，晚上重係覺得凍，阿女提議去食火鍋，佢話朋友介紹何文田火鳳凰火鍋料理，食物和環境都有水準，今晚就同我過去試吓！火鍋店佔地頗大，座位寬敞。愉妃養生藥膳醉雞鍋半隻，醉雞鍋用多種藥材料熬成，有補氣益血作用，最適合秋冬天氣，虛寒體質人士食用有補身功效。再加上用酒醃過嘅鮮雞，更添美味，鮮雞嫩滑，湯底鮮甜。飲完湯又可以打邊爐。台山蠔六隻，台山蠔備受一眾食客青睞，皆因品質有保證之餘，價格親民，蠔肉結實豐厚，蠔味濃。手工黑松露墨魚丸，墨魚丸加入黑松露，肉汁豐富，黑松露味十足，粒粒都好彈牙。鮮蝦雲吞餡料飽滿，粒粒都有原隻鮮蝦，鮮味爽口。