渣哥一九九六 (Closed)

今日行街餓餓地，行過呢間渣哥，見好多人圍住係度買野食野，我都唔執輸試一試。簡簡單單叫左個頭抽香滑腸粉，大大盒，出餐時醬料都幫我落埋，唔洗同人爭醬料。食落d腸粉真係認真超級滑喎，我都未試過食過咁滑既腸粉😲，滑得來d腸粉又唔會痴埋一舊舊，而係片片分明，食得出既層次感呀！腸粉上面除左有豉油，仲有芝麻醬同原粒白芝麻，味道溝得岩岩好，唔會太齋又唔會太鹹，真係純粹食個腸粉都食到既滿足感。價錢雖然貴小小，但係食完係覺得值回票價，對食野有要求既巴打絲打值得一試。