鎔記潮州飯店

Open Now

Now Closed

其實中式嘢嚟講我真係好鍾意食潮州菜，琴日就試咗呢間位於九龍城城南道37號嘅鎔記潮州飯店。入門口位置已經見到好多名人嘅相，即刻好有信心，果然名不虛傳。咁我就點咗三道菜。滷水雜拼呢樣嘢一定必食啦！啲鵝腸整得好脆身，好少可以咁爽又煙靭，就連紅腸都好好味。魷魚就更加唔使講熟得嚟又係好煙韌。滷水汁味道鮮香，真係絕配。黃金蝦老闆娘話啲蝦係每日新鮮送到，我完全食得出，就好似喺街市自己買咁新鮮。潮州蠔餅呢樣嘢都一定要食，同平時嗰啲蠔餅唔同，呢間嘅蠔餅係粒粒都係大蠔，絕對唔係蠔仔！鍾意食蠔嘅人一定要試！