Video
Read full review
2017-07-06
191 views
呢日去咗北角，嚟到新開無耐嘅滾得囍宮廷火鍋。裝修幾有特色，尤其係嗰啲印咗喜字嘅通花屏風，有古典味得嚟又唔老土。佢哋仲播住用二胡拉奏嘅流行純音樂，例如係浮誇、那些年，甚至韓文歌曲Always(太陽嘅後裔)、TT都有，好新潮。餐廳入面嘅通風系統充足，無悶熱感，亦無濃烈嘅火鍋油煙味，不過冷氣溫度偏低，怕凍嘅女仔記得要帶多件外套、披肩。之前睇過有關餐廳嘅報導，知道呢個係人手製嘅景泰藍鍋爐，上面印咗龍嘅圖案，非常貴氣。醬料方面有豉油、蒜蓉、蔥花、芫茜、辣椒，後尾發現佢哋嘅湯底本身已經夠濃，所以使用率唔高。火鍋料價錢比一般嘅火鍋店稍高，不過好似響鈴咁就聲稱係即炸嘅，有啲就係矜貴食材，以港島區嚟講總算合理。等咗無耐，侍應就將我哋嘅火鍋料拎晒過嚟。餐廳有十幾款火鍋湯底，我哋就試咗康熙花膠雞湯鍋，佢用咗另一款金屬龍頭做手柄嘅鍋爐載住，氣派十足，浮誇度唔會比頭先嘅景泰藍鍋爐遜色，難怪佢哋用宮廷火鍋自居。侍應建議我哋先飲雞湯，呈黃色嘅湯濃而鮮甜。份量方面我哋就揀咗半隻雞，煮到咁上下就可以要求侍應幫忙切件。雞隻體型幾大，雞皮油份算適中，雞肉嫩同入味。不過同晌屋企煲雞湯一樣，煮嗰陣難免會有不斷釋出雞油嘅情況，所
呢日去咗北角，嚟到新開無耐嘅滾得囍宮廷火鍋。
裝修幾有特色，尤其係嗰啲印咗喜字嘅通花屏風，有古典味得嚟又唔老土。佢哋仲播住用二胡拉奏嘅流行純音樂，例如係浮誇、那些年，甚至韓文歌曲Always(太陽嘅後裔)、TT都有，好新潮。
餐廳入面嘅通風系統充足，無悶熱感，亦無濃烈嘅火鍋油煙味，不過冷氣溫度偏低，怕凍嘅女仔記得要帶多件外套、披肩。
之前睇過有關餐廳嘅報導，知道呢個係人手製嘅景泰藍鍋爐，上面印咗龍嘅圖案，非常貴氣。
醬料方面有豉油、蒜蓉、蔥花、芫茜、辣椒，後尾發現佢哋嘅湯底本身已經夠濃，所以使用率唔高。
火鍋料價錢比一般嘅火鍋店稍高，不過好似響鈴咁就聲稱係即炸嘅，有啲就係矜貴食材，以港島區嚟講總算合理。
康熙花膠雞湯鍋
19 views
0 likes
0 comments
等咗無耐，侍應就將我哋嘅火鍋料拎晒過嚟。
康熙花膠雞湯鍋
24 views
0 likes
0 comments
餐廳有十幾款火鍋湯底，我哋就試咗康熙花膠雞湯鍋，佢用咗另一款金屬龍頭做手柄嘅鍋爐載住，氣派十足，浮誇度唔會比頭先嘅景泰藍鍋爐遜色，難怪佢哋用宮廷火鍋自居。
康熙花膠雞湯鍋
34 views
0 likes
0 comments
侍應建議我哋先飲雞湯，呈黃色嘅湯濃而鮮甜。
康熙花膠雞湯鍋
26 views
0 likes
0 comments
份量方面我哋就揀咗半隻雞，煮到咁上下就可以要求侍應幫忙切件。雞隻體型幾大，雞皮油份算適中，雞肉嫩同入味。不過同晌屋企煲雞湯一樣，煮嗰陣難免會有不斷釋出雞油嘅情況，所以要頻頻用隔油網將油份隔去。
康熙花膠雞湯鍋
16 views
0 likes
0 comments
當晚湯入面最少有十幾塊花膠，全部都厚身肥大，食起嚟爽滑，再煮耐啲嘅話就有少少黏口嘅膠質感，對女仔嚟講真係好養顏。
呢個舊式保溫壺係跟埋火鍋咁拎嚟，入面其實係暖暖哋嘅湯底，可以自己按需要加落鍋入面，不過當晚就由侍應主動走嚟幫我哋加湯，佢哋仲會不時走嚟收碟。
手切飛驒和牛，一直以為驒讀做蟬，原來正確讀音係駝先啱。
油花分佈幾均勻，稍為涮一涮嚟食，入口即溶又有少少咬口。
鹿兒島日本黑豚肉，同手切飛驒和牛一樣拎嚟時會跟埋乾冰，營造出煙霧迷漫嘅效果。黑豚肉相對起嚟切得比較薄，涮後鬆化唔癡牙，表現都唔錯。
黑松露墨魚滑
23 views
0 likes
0 comments
黑松露墨魚滑，打得鮮味彈牙，仲有黑松露獨有嘅香氣。
冬瓜件
22 views
0 likes
0 comments
冬瓜件，放入鍋度煮到啱啱好腍身，食起嚟同雞湯好夾，又可以解膩。
日本稻庭烏冬
6 views
0 likes
0 comments
日本稻庭烏冬，吸滿雞湯精華，煙煙韌韌又飽肚。
Post
