Video
Read full review
2017-11-05
756 views
爸爸生日，所以就一家人出街食飯慶祝下！因為屋企人都鍾意食中菜，就諗下有冇中菜啱佢哋食时啦。同事話佢哋啱啱去完一間私房菜覺得唔錯就介紹俾我哋。我之前都未去過私房菜，今次係第一次，同平時唔唔同既係我地可以先攞菜單，再覆佢地想食咩，餐廳再預備食物！😃😃餐廳位於觀塘嘅工業大廈，唔講真係唔知呢度有餐廳！我哋當晚由觀塘地鐵站行到去餐廳大約10分鐘，唔算好遠。😙入到去見到都幾多人。職員就問我哋booking，再安排位置，然後按我哋菜單上菜。😊大魚豆頭豆腐湯首先上咗豆腐魚頭湯。個魚頭好大個，先煎左再煲，所以個湯顏色好奶白，完全無腥味，好重料，個湯好甜！五個人分，每人至少都飲到兩碗鹵水拼盆呢個本身係麻辣滷水拼盤，但係因為我哋唔食辣，職員知道後，好好咁同我地走辣！私房菜就係有個好處，就係會根據你嘅口味而準備食物！like it！拼盤有鹵水豬肚、豬腸、牛肚、青瓜手撕雞。真係要讚下個滷水！葉得好入味，好香，豬肚豬腸同埋牛肚都好淋。而啲青瓜手撕雞林左麻醬喺面，青瓜青新，幾啱胃口，好爽好Fresh！蒜蓉蒸大蟶子聖子一定要係大隻先至好食，而呢一隻真係大蟶子嚟架！每一隻聖子都有手掌咁長！聖子肉好厚身，食落好爽，面頭有
同事話佢哋啱啱去完一間私房菜覺得唔錯就介紹俾我哋。我之前都未去過私房菜，今次係第一次，同平時唔唔同既係我地可以先攞菜單，再覆佢地想食咩，餐廳再預備食物！😃😃
餐廳位於觀塘嘅工業大廈，唔講真係唔知呢度有餐廳！我哋當晚由觀塘地鐵站行到去餐廳大約10分鐘，唔算好遠。😙
入到去見到都幾多人。職員就問我哋booking，再安排位置，然後按我哋菜單上菜。😊
大魚豆頭豆腐湯
首先上咗豆腐魚頭湯。個魚頭好大個，先煎左再煲，所以個湯顏色好奶白，完全無腥味，好重料，個湯好甜！五個人分，每人至少都飲到兩碗
砂鍋大魚頭豆腐湯
31 views
0 likes
0 comments
鹵水拼盆呢個本身係麻辣滷水拼盤，但係因為我哋唔食辣，職員知道後，好好咁同我地走辣！私房菜就係有個好處，就係會根據你嘅口味而準備食物！like it！
拼盤有鹵水豬肚、豬腸、牛肚、青瓜手撕雞。真係要讚下個滷水！葉得好入味，好香，豬肚豬腸同埋牛肚都好淋。而啲青瓜手撕雞林左麻醬喺面，青瓜青新，幾啱胃口，好爽好Fresh！
鹵水大拼盆
23 views
0 likes
0 comments
蒜蓉蒸大蟶子聖子一定要係大隻先至好食，而呢一隻真係大蟶子嚟架！每一隻聖子都有手掌咁長！聖子肉好厚身，食落好爽，面頭有蒜蓉同埋粉絲，加埋蔥同埋莞西好香，好好味。
蒜蓉粉絲蒸特大蟶子皇
28 views
0 likes
0 comments
花雕蛋白蒸大肉蟹大肉蟹可以選擇薑蔥炒、蒜蓉炒或者四川炒等食法。因為屋企人唔食得辣，所以我哋選擇咗花雕蛋白蒸大肉蟹。隻大肉蟹真係好大隻，超過成隻手掌甘大！啲肉好實淨，唔會梅晒，好新鮮。唔好睇只係得壹隻蟹，其實拆開啲肉出嚟有好多。
蟹下面係蛋白，吸收左蟹嘅精華，時間掌握得好好，蛋白好嫩滑，除咗花雕酒嘅香味外，仲有少少嘅豉油同埋蔥花，提升咗蛋白嘅味道。超正！
花雕蛋白蒸大肉蟹
16 views
0 likes
0 comments
富貴金龍條魚上枱真係嘩一聲！好大條！賣相一流！😆😆條魚唔用一般方便既清蒸嘅方法去烹調，反而花咗心思，用兩種嘅口味去炸。果然係一條金龍！
廚師先將魚肉拆出黎，再用吉烈同鹹蛋黃方式去炸，兩種口味都好脆，好香口！魚肉好滑溜，兩種既口味都好正！而我較喜歡鹹蛋黃嘅方式，因為食落有鹹蛋黃沙沙地既口感，好香鹹蛋黃味。點埋配嘅沙律醬，味道更上一層樓 ！
富貴金龍
42 views
0 likes
0 comments
金華玉樹雞呢個菜賣相好得，啲菜心好似雞嘅雞翼，好似識飛咁🤣🤣雞肉同雞皮都好嫩滑，食落好爽口！金華火腿唔似食開嘅咁咸，而係有少少甜甜地，正！真係好鍾意食呢個菜，要比滿分！😋😋
金華玉樹雞
27 views
0 likes
0 comments
上湯浸時菜蔬菜嘅種類都好豐富，有西蘭花、紅蘿蔔、香芹同埋雜菌，上湯唔會好鹹，好夠鑊氣，真係想連個湯都飲埋佢！😆😆
上湯浸時菜
19 views
0 likes
0 comments
個麵炒得好乾身，加埋銀芽同埋洋蔥嘅甜，三者配合得好好。
蟹油銀芽炒麵
26 views
0 likes
0 comments
奶凍好滑，雲呢拿味。唔知有冇食錯，食落仲有少少杏仁嘅味道。以呢一個甜品作結，真係好滿足！
奶凍
33 views
0 likes
0 comments
cheers！🥂🥂
呢個私房菜嘅水準好高，同事果然冇介紹錯！推薦大家一定要來呢度試下，保證你食到舔舔脷！
Post
