新齋橋 (Closed)

新齋橋之弁當（$128）六個格仔的日式弁當，可以食到鰻魚飯、魚生丼、刺身、吞拿魚蓉、沙律同埋醬醃蒜子。魚生幾新鮮，每樣都係細細份，但食哂咁多樣都好飽，最重要係滿足選擇困難症的我。吉列大盛定食咖喱（$128）有三隻炸物，分別是豬扒、大蝦同炸蠔，個咖喱就有兩件紅蘿蔔、兩件薯仔，傳統的日式咖喱，唔辣，反而甜甜地，而飯量多。最欣賞的反而是每個餐都附設的麵豉湯同埋茶碗蒸，個湯唔會好咸，加埋海帶同蛋絲，入口舒服，茶碗蒸個蛋蒸得滑溜。