Video
Read full review
2023-09-09
3208 views
哩間餐廳開咗一段時間，但一直都無食過。今日約朋友食飯，呃咗佢嚟太古陪我試🫢餐廳座位比較開揚，冷氣超凍 ❄️餐廳係半自助形式，睇完menu，自己去落單。餐具、水都係自己拎。然後會收到提示器，食物準備好嘅時候，就去櫃檯拎。但係間唔中都會有職員埋嚟收碗盤。我哋揀咗二人餐 ($560)二人餐有主菜、炸雞、甜品，仲有飲品。基本上想食嘅嘢都齊哂，所以好抵。파르마 했을 결들인 까르보나라 떡巴馬火腿卡邦尼年糕Tteokbokki with Parama Ham in Creamy Carbonara Sauce我見到好多人都揀哩個。年糕係圓條型，好似烏冬😂但口感係年糕，煙煙韌韌。個醬汁好creamy，好食。국산 르제 소스를 곁들인 삼겹살 리조또五花肉玫瑰燉飯Pork Belly Risotto with Korean Rose Sauce成個套餐，可以揀兩個主菜。哩個玫瑰燉飯好似係其中一個皇牌必食。真係食到有花香，飯好 creamy，五花肉好肥😂，肥膏同肉嘅比例係差唔多7:3，差唔多成舊都係肥膏。我只係夾咗一、兩件，仲要咬哂啲肥膏走，剩餘嗰啲，留返哂俾我朋友😂😂😂😂唔係好習慣主食有花香，個人唔太
今日約朋友食飯，呃咗佢嚟太古陪我試🫢
餐廳座位比較開揚，冷氣超凍 ❄️
餐廳係半自助形式，睇完menu，自己去落單。餐具、水都係自己拎。
然後會收到提示器，食物準備好嘅時候，就去櫃檯拎。
但係間唔中都會有職員埋嚟收碗盤。
我哋揀咗二人餐 ($560)
二人餐有主菜、炸雞、甜品，仲有飲品。基本上想食嘅嘢都齊哂，所以好抵。
파르마 했을 결들인 까르보나라 떡
巴馬火腿卡邦尼年糕
Tteokbokki with Parama Ham in Creamy Carbonara Sauce
我見到好多人都揀哩個。
年糕係圓條型，好似烏冬😂但口感係年糕，煙煙韌韌。
個醬汁好creamy，好食。
국산 르제 소스를 곁들인 삼겹살 리조또
五花肉玫瑰燉飯
Pork Belly Risotto with Korean Rose Sauce
成個套餐，可以揀兩個主菜。
哩個玫瑰燉飯好似係其中一個皇牌必食。
真係食到有花香，飯好 creamy，五花肉好肥😂，肥膏同肉嘅比例係差唔多7:3，差唔多成舊都係肥膏。
我只係夾咗一、兩件，仲要咬哂啲肥膏走，剩餘嗰啲，留返哂俾我朋友😂😂😂😂
唔係好習慣主食有花香，個人唔太推薦😅
프라이드 치킨 콤보 (3가지 맛)
炸雞拼盤（三款味道)
Fried Chicken Combo (3 Flavors)
炸雞可以揀3個口味，岩哂貪心嘅我😌
치즈뿌림클 치킨
芝士炸雞
Cheese Sprinkle Fried Chicken
양파 소스를 곁들인 프라이드 치킨
洋蔥汁炸雞
Fried Chicken with Onion Sauce
감귤치킨
柑橘炸雞
Tangerine Fried Chicken
除咗炸雞，仲有薯條同年糕。
三款入面最特出係洋蔥汁炸雞，洋蔥味好濃，但唔會有生洋蔥嘅辣味。
而第二款，我會推薦柑橘炸雞，酸酸甜甜，可以中和炸雞嘅膩。
不過哩兩款炸雞都係有汁，如果偏好乾身脆皮炸雞嘅朋友，可以揀芝士炸雞，佢係撒芝士粉係炸雞表面。
카라셀 치즈케이크 크로 들
焦糖芝士蛋糕牛角包窩夫
Caramel Cheesecake Croffle
最後就係甜品😋
甜品無得揀，只係指定一個口味。
哩個牛角包窩夫實在好邪惡，好好食🤤
有芝士蛋糕同牛角包窩夫，上面有焦糖醬同忌廉，再撒滿焦糖碎同放咗一片焦糖餅🤤😍
當我朋友望住佢覺得好滯嘅時候，我已經將佢消滅咗😂
份量兩個人share 岩岩好。
成個二人餐份量好大，三個人食都夠。
兩個主菜都係屬於creamy，仲有炸雞。加上商場冷氣太大，啲食物好快就吹凍哂，食落就更加膩。
最後我哋食唔哂要pack 走。
餐廳唔係做傳統韓國菜，唔會有小菜小碟。
但好處係餐廳座位屬於商場嘅一部分，唔會好似平時韓國餐廳好太陣油煙味。
想靜靜哋食個飯，又唔想排隊等位，可以考慮黎哩度試下🍴
Post
