王家沙 (Closed)

瘋狂做完運動。一行4人就到咗依間餐廳食。揀完一大輪就落單。等咗廿分鐘已經超肚餓。一樣嘢都未上。一問之下原來漏入單所以有時真係唔好怕催驚遭加料。因為漏起上嚟真係會漏依間餐廳就係好例子。講返正題。先嚟係凍酒雞。雞都吸收到清清酒香。都有好多舊。不錯。跟住係擔擔麵。個麵都彈牙嘅。不過個擔擔湯就比較淡同稀。無乜花生醬香味(定依款係無㗎呢?!)。得少少肉碎。整體味道一般。再嚟係蟹粉小籠包。真係有啲黃色嘢流出嚟。都有少少蟹膏嗰啲味。熱辣辣食真係不錯另外叫一個正常。都有好多湯汁。都很好味佢啲小籠包個皮都厚薄適中。夾上嚟都無穿。牛肉餅。個皮好厚。得微量牛肉。啲牛肉個味都麻麻哋。無乜汁然後到醋梅骨。好味個汁好濃。肉又唔會好靭。忍唔住叫咗碗白飯餸。份量都夠。略嫌骨多肉少。食完肉要食返啲菜。奶油津白。本身已經好鐘意依隻菜。原來加咗奶油可以咁match。入口好creamy好滑。淡淡奶油味加埋菜嘅甜味真係好正整多個粢飯。正常粢飯咁。裡面舊油炸鬼係脆嘅可能配啲濕嘢會好啲。最後叫咗個豆沙窩餅作結。個皮太厚。無限層皮微量豆沙。不過唔太甜。都ok嘅。總結可能係漏單搞到更肚餓關係。覺得啲嘢食味道都ok款式都多。份量都可以。