漫花燈火OMG (Closed)

🫶🏻自家製酥皮黑魚籽牛油果煙三文魚水牛芝士波波他他呢個係一個好精緻前菜小食，酥皮整得好有層次，好鬆脆，入面既餡料層次好清晰，每一層既口感都配合得好好，好柔嫩，味道都好清新，再配埋脆口既酥皮，仲有啲咸香既黑魚籽，真係好有層次，口感味道複雜！🫰🏻慢煮比利時杜洛克橄欖豬鞍伴脆甜番薯條豬鞍份量好多，大大厚，又夠晒厚，重要表面煎得好焦脆，而慢煮既方法就保留到豬肉既肉汁，濃濃既豬肉香，伴住超級脆口既蕃薯條，甜甜地，好過癮，同豬鞍超夾呀！✌🏻西班牙伊比利亞辣肉腸白酒忌廉煮藍青口配牛油多士青口好大兜好抵呀，仲要好大隻，青口肉又鮮甜，仲好吸汁，食到好濃既白酒忌廉味，辣肉腸亦係另一點綴，脆口多士都係好適合既配搭！🤞🏻青蘋果青檸檸檬梳打梳打夠晒大杯，青綠色好refreshing，飲落酸酸地，亦有青蘋果本身既清甜，好飲！🤟🏻瑰麗香水瓶呢個係玫瑰士多啤梨梳打，成杯都好靚，唔會太甜，有啲花香，同有氣既梳打好夾，又靚又好飲！