金龍冰室

Open Now

Now Closed

我剛入大埔2個月，這間店都係遲我少少開，好多時經過，都唔多人，都估到有「潛伏」～潛質中伏😅。但公平起見， 都比個機會佢。果然， 伏晒。 第一， 坐位唔得，迫到。第二，唔知係我唔好彩，坐低晒，叫野食先同客講壞機，冇即磨咖啡，算啦，奶茶應該都可以吧，一飲，個味淡到仲差過日式樽裝奶茶。 第三，冇早晨既，得常餐。第四，個碗麵同米粉，似煮完加水做湯咁，係直頭冇味，個沙爹牛肉，沙爹一定唔係自己做醬，一食就似利x沙爹醬煮，呢d屋企都唔會咁整。 第五，個炒旦，唔覺奶味，又乾，係個多士還可以。雖然有得揀奶油，醬占多士，但我覺得早晨唔應該咁。以咁既， 咁既質素，真係唔值。大埔好多仲平d仲好食d。