潮苑正宗潮州粉麵 (Closed)

一有同事請飲下午茶，潮苑食午飯就最啱，因為可以食少D。 上個月就去過一次，當時因為未有idea，就跟牆上poster，要咗碗“手打鮮牛肉餅河”（$18），我同事亦要咗碗“手打鮮牛肉餅麵”，仲要咗碟魚皮（$10）同油菜（$7）。手打鮮牛肉餅：確實名不虛傳，好爽好Q，彈牙煙靭，牛肉味豐富。可惜同事投訴麵太少，未飽喎！魚皮：切得細，皮薄香脆，唔錯！放响湯度仲卜卜聲，真有趣！油菜：同事問油菜可點整，服務員竟開玩笑話乜都得除咗炒，真搞嘢！隔咗一個月嘅今日我又有機會再去食飯，今次我要咗牛坑腩河（$20），同魚皮（$6）。 原來佢哋會根據人數而調整魚皮嘅份量同價錢，又幾均真噃！牛坑腩河：好軟熟，一D都唔靭，紋理分明，但係個人覺得鹹咗小小。都係手打鮮牛肉餅有特色，必食！