DAMA (Closed)

呢間餐廳位於K11 Musea平時經過以為只係賣雪糕🍦入到去發現原來餐廳主打素食食物色彩繽紛 而且又健康除左雪糕🍨仲有飲品🍹及熱食賣雪糕係招牌一定要試依加除左筒裝雪糕仲推出左多款杯裝雪糕口味都幾吸引😍有猫山榴蓮、燕麥、京都抹茶竹炭椰子可可、楊枝金露、火龍果-卷物套餐- $88🔸招牌水果烏龍茶 烏龍茶味濃厚，唔會苦澀，有甘香味。混入左唔同水果後，令到杯茶有果香，甜甜地。好大杯，飲完仲可食埋生果👍🏼🔸牛油果燒烤醬素菜卷素菜都可以好好食！卷物當中有好多菇、菜同牛油果，配埋燒烤醬汁非常香濃。咬落啖啖都係蔬果，口感豐富，非常飽肚。-飲品-🔸士多啤梨芒果沙冰 $48士多啤梨🍓味好出，混合芒果非常香甜，唔會好酸😛沙冰做得好綿密，出色😋解渴必飲！-雪糕-🔸火龍果燕麥味雪糕 $52如果單味火龍果味就$48，燕麥味$42。由於我兩隻味都想試晒就叫左個雙色扭紋試下☺️雪糕顏色非常鮮艷，同火龍果外層顏色相同，火龍果味好濃烈，但唔會好甜。相對之下，燕麥味會比較淡味，但燕麥味好出。所以應該要食左燕麥味先再食火龍果味🤣否則會比火龍果搶晒味。