Bored Garden (Closed)

NFT 主題餐廳又幾有新意，裝修夠晒潮，好多打咭影相位，有特色而且其他餐廳少見。食物以漢堡意粉小食為主，而家仲有萬聖節主題漢堡。軟殼蟹牛肉漢堡漢堡夠晒巨型，想一口咬落去個咀要有咁上下大。軟殼蟹炸金黃酥脆，牛肉juicy又香濃牛味。加配脆漿薯條，口感比一般薯條脆身，醬汁開胃。特大原條鰻魚熱狗巨型熱狗配特大原條鰻魚好有份量，更吸引既係上面鋪滿澎湃而又溶化既芝士，大大條熱狗腸，一啖咬落去勁滿足。加配單骨雞翼，惹味好食。