Video
Read full review
2009-12-13
40 views
book左七點鐘,七點鐘就有人打黎催,到未? 其實又未至於坐滿啫!食物齊人就上得,好快到。-酸辣鳳爪$50,好大碟噃!大部份起晒骨,爽爽的,好香,除左有白雲鳳爪酸醋味,還有泰國香料味,唔錯。-蒜蓉包$24,唔熱亦唔脆。-冬蔭公(細)$65,湯很濃厚,勁好味!又多料,除左有蝦,老公仲食到有小龍蝦添呀!-蒜子胡椒蠔$72,脆皮+蒜子,做得好香脆,但蠔唔係好大隻,惹味蓋過了蠔味。-蝦膏炒通菜$48,食泰國野,點都會食碟呢類菜。通菜好幼好青綠,蝦膏不太濃。-辣椒膏炒肉蟹$190、三味汁筍殼魚$138(三味係指spicy,sweet,sour sauce)由於以上菜色都係濃味/辣味,呢個蟹和魚的醬汁(辣椒&三味),味蕾已分唔到不同之處。總之兩個都好餸飯。-迷你拚盤(魚餅、香葉雞、春卷)$72,魚餅無食；香葉雞燒到過晒火,好嚡口；春卷係齋餡,木耳絲、粉絲、香菇、紅蘿蔔絲,味道普普通通。-串燒沙嗲雞肉。如果唔靠o個碟沙嗲醬,根本無味!雞肉似乎無醃味,亦似乎無經過「燒」既過程。最差係呢碟!! 六串$65,咁既價錢!!!?-咖哩海鮮焗釀南瓜$128。我想食呢個完整南瓜好耐喇!一上枱嚇疾了成枱人,因為佢地
食物齊人就上得,好快到。
-酸辣鳳爪$50,好大碟噃!大部份起晒骨,爽爽的,好香,除左有白雲鳳爪酸醋味,還有泰國香料味,唔錯。
-蒜蓉包$24,唔熱亦唔脆。
-冬蔭公(細)$65,湯很濃厚,勁好味!又多料,除左有蝦,老公仲食到有小龍蝦添呀!
-蒜子胡椒蠔$72,脆皮+蒜子,做得好香脆,但蠔唔係好大隻,惹味蓋過了蠔味。
-蝦膏炒通菜$48,食泰國野,點都會食碟呢類菜。通菜好幼好青綠,蝦膏不太濃。
-辣椒膏炒肉蟹$190、三味汁筍殼魚$138(三味係指spicy,sweet,sour sauce)由於以上菜色都係濃味/辣味,呢個蟹和魚的醬汁(辣椒&三味),味蕾已分唔到不同之處。總之兩個都好餸飯。
-迷你拚盤(魚餅、香葉雞、春卷)$72,魚餅無食；香葉雞燒到過晒火,好嚡口；春卷係齋餡,木耳絲、粉絲、香菇、紅蘿蔔絲,味道普普通通。
-串燒沙嗲雞肉。如果唔靠o個碟沙嗲醬,根本無味!雞肉似乎無醃味,亦似乎無經過「燒」既過程。最差係呢碟!! 六串$65,咁既價錢!!!?
-咖哩海鮮焗釀南瓜$128。我想食呢個完整南瓜好耐喇!一上枱嚇疾了成枱人,因為佢地覺得賣相,好似嘔x物喎......!無乜人敢食。對我這南瓜痴來說,無諗過似D咩喎!最緊要好食!
由我操匙。原來裡面唔係我expect的咖哩汁,可以撈飯果種,而係pet pet的椰味「咖哩」!好多海鮮料混在南瓜肉pet pet醬裡,有蝦、魚、青口、魷魚、津白。「唔怕」既人就食晒D海鮮,我就負責挖,質地削削的南瓜肉食。我諗如果佢用鮮橙色日本南瓜,個賣相/食味會好好多。
凍咖啡,齋啡無乜咖啡味,好似涼茶咁,加左奶,有點似多奶少啡的….奶啡。
青檸梳打,好飲!食咁濃味既野,不可少!
金不換,果然幾好食!料交足,味道大至上都交足,唔怪之得佢屬偏高價的泰菜啦!
Post
