Video
Read full review
2022-12-28
1196 views
12月頭已經黎過利東街影相喇。不過知道夜晚燈飾擺設會再靚啲，專登再約埋朋友去打卡，影相之前見到金子半之助好多人排隊，諗起好耐都冇食過天婦羅就入去試下。<江戶前天丼> $138點咗江戶前天丼，有穴子、海老、小柱魷魚天婦羅餅、溫泉蛋、海苔等配料。我哋發覺天婦羅比起坊間常見較為深色，原來丼飯既入面嘅天婦羅採用日本特製高級胡麻油，所以天婦羅色澤會較深，香味亦更為突出。前天丼既穴子其實喺星鰻，比起一般食到嘅鰻魚肉質結實而且脂肪較少，呢個招牌既穴子天婦羅有成30cm長，魚身厚肉肥美，食落好滿足。跟返店家所推介嘅食法，食到一半時將溫泉蛋整碎混和白飯同配料，飯香蛋滑，口感更為creamy，伴帶住天婦羅嘅香氣。<迷你天丼&稻庭烏冬(冷)> $118朋友心大心細咩都想試下，就揀咗迷你天丼mix稻庭烏冬，其實除咗凍嘅之外都可以揀熱嘅稻庭烏冬。迷你天丼麻雀雖小，五臟俱全，同樣都有海老、溫泉蛋、海苔，不過就多咗菇菌、南瓜等配菜，食法同江戶前天丼基本上一樣，海老、菇菌天婦羅酥脆美味，食落一啲都唔會覺得𠝹口。稻庭烏冬幾特別，會跟上一碗清湯底，客人可以因應自己嘅需要加適量嘅芥末同蔥絲入
<江戶前天丼> $138點咗江戶前天丼，有穴子、海老、小柱魷魚天婦羅餅、溫泉蛋、海苔等配料。我哋發覺天婦羅比起坊間常見較為深色，原來丼飯既入面嘅天婦羅採用日本特製高級胡麻油，所以天婦羅色澤會較深，香味亦更為突出。前天丼既穴子其實喺星鰻，比起一般食到嘅鰻魚肉質結實而且脂肪較少，呢個招牌既穴子天婦羅有成30cm長，魚身厚肉肥美，食落好滿足。跟返店家所推介嘅食法，食到一半時將溫泉蛋整碎混和白飯同配料，飯香蛋滑，口感更為creamy，伴帶住天婦羅嘅香氣。
<迷你天丼&稻庭烏冬(冷)> $118朋友心大心細咩都想試下，就揀咗迷你天丼mix稻庭烏冬，其實除咗凍嘅之外都可以揀熱嘅稻庭烏冬。迷你天丼麻雀雖小，五臟俱全，同樣都有海老、溫泉蛋、海苔，不過就多咗菇菌、南瓜等配菜，食法同江戶前天丼基本上一樣，海老、菇菌天婦羅酥脆美味，食落一啲都唔會覺得𠝹口。稻庭烏冬幾特別，會跟上一碗清湯底，客人可以因應自己嘅需要加適量嘅芥末同蔥絲入去，再逐啲將凍嘅稻庭烏冬放入湯底浸泡，食落清新，帶有芥末獨特既辛辣味，但又唔會過於搶走微甜湯底既風頭。
<赤金鯛> $28<小柱魷魚天婦羅餅>$28
我哋另外再追加赤金鯛同埋 小柱魷魚天婦羅餅。赤金鯛魚肉細嫩，口感滑溜，每一啖都食到鯛魚獨特嘅魚香；小柱魷魚天婦羅餅中既魷魚切成顆粒狀，味道細膩彈牙，點埋附上嘅醬油更增添一份鹹香。
店家提供嘅黑豆茶，味道清爽，帶有一份豆香，頗為解膩，正適合配搭天婦羅一同食用。
Post
