Video
Read full review
2018-05-01
2541 views
呢間上年同事一致選為灣仔區年度最佳餐廳既小店其實名不經傳，但唔同飯腳都讚不絕口，今日又心思思黎食個小奢華既lunch。Set lunch既重頭戲係揀pizza或entrees，會包埋類似salad bar既buffet。 其實主食款式唔多，多數人都會揀pizza、burger或mac n’ Cheese，轉餐牌後更加冇左好好食既雜菌闊條麵。記得第一次食既時候傻傻地一人叫左一款，點知份量大得誇張，pizza多到要打包，mac n’ Cheese又比想像中膩，最後變相食個main得黎浪費左個buffet。 經過反複驗證，其實三人行既話，兩個人叫buffet only ($89)，再揀一款main一齊食就岩岩好。今次兩個人黎，每日special menu唔太岩食，決定大家都叫buffet only。多數主打自制新鮮沙律既salad bar對我呢個食肉獸黎講絕對唔係賣點，所以特別鐘意呢度既buffet菜式設計，款式唔多、亦冇粉麵飯，但貴精不貴多，樣樣都好高質。沿住吧台一字排開，頭尾分別係餐湯同餐包。 今日既餐湯係牛肉羅宋湯，撈到大量蔬菜同牛肉，略嫌咸左少少。 記得曾經係度飲過幼滑香濃既西蘭花忌
Set lunch既重頭戲係揀pizza或entrees，會包埋類似salad bar既buffet。 其實主食款式唔多，多數人都會揀pizza、burger或mac n’ Cheese，轉餐牌後更加冇左好好食既雜菌闊條麵。
記得第一次食既時候傻傻地一人叫左一款，點知份量大得誇張，pizza多到要打包，mac n’ Cheese又比想像中膩，最後變相食個main得黎浪費左個buffet。 經過反複驗證，其實三人行既話，兩個人叫buffet only ($89)，再揀一款main一齊食就岩岩好。
56 views
0 likes
0 comments
今次兩個人黎，每日special menu唔太岩食，決定大家都叫buffet only。
多數主打自制新鮮沙律既salad bar對我呢個食肉獸黎講絕對唔係賣點，所以特別鐘意呢度既buffet菜式設計，款式唔多、亦冇粉麵飯，但貴精不貴多，樣樣都好高質。
沿住吧台一字排開，頭尾分別係餐湯同餐包。 今日既餐湯係牛肉羅宋湯，撈到大量蔬菜同牛肉，略嫌咸左少少。 記得曾經係度飲過幼滑香濃既西蘭花忌廉湯，由於款式日日唔同，真係睇彩數。
32 views
0 likes
0 comments
每日有兩款熟食，眼前既香辣蜜糖雞翼 Chili Honey Wing同忌廉羽衣甘藍Creamy Kale可謂夢寐以求既組合。
66 views
0 likes
0 comments
香辣蜜糖雞翼味道同韓國既甜辣炸雞差唔多，甜甜地好開胃惹味，最正係即使沾滿醬汁，放幾耐都依然甘香酥脆。
42 views
0 likes
0 comments
雞槌、雞翼嫩滑入味，無疑係當日最受歡迎既菜式，店員亦不斷refill，幾時都食到新鮮熱辣既雞翼。
50 views
0 likes
0 comments
忌廉羽衣甘藍
幼滑香醇既忌廉汁同嫩滑清甜既羽衣甘藍相輔相成，羽衣甘藍夠軟腍、煮得岩岩好，幾欣賞廚師選用原塊羽衣甘藍，口感特別鮮明突出。
48 views
0 likes
0 comments
自製沙律區主要有新鮮爽口既生菜，配料同醬汁竟然有14款咁多。 因為我好少食沙律，本來呢區對我黎講都冇咩意義，但醃墨西哥辣椒好岩我口味，絕對可以就咁啪；脆脆可以用黎送湯飲，有時仲有炒雜菌添，唔食沙律都可以係度尋下寶。
沙律區右邊會有兩款蔬菜菜式，今次有青瓜沙律同炒椰菜花。
最深印象既係簡簡單單一道菜都配合唔同既香料，青瓜沙律除左沙律醬仲可以見到迷迭香碎，而椰菜花亦用左咖喱粉同炒，味道溫和帶微辣。
火腿同芝士冷盤各有三款。 火腿偏咸，但柔軟甘香。 最鐘意係處於半融化狀態既brie cheese，配麵包一流。 其實有時酒店都未必有呢款，係度見到幾有驚喜。
41 views
0 likes
0 comments
基本上我當左佢做雞翼放題咁每輪都夾幾隻，神奇地雖然人流不絕，每次出去都唔會見到任何清碟既情況。 員工密密做冇停手，令客人不致撲空，返到位餐桌亦已經執拾好，完全達到高質buffet既應有水平。
人少少可以坐門口位，透過落地玻璃望下街景、感受下自然光。 由於小店係藍屋對面，景觀開揚，特別有度假既感覺。
店內採簡約型格路線，客人以外國人為主，係昏暗既燈光下都幾有氣氛。
當然連鎖、有名又貴價既西餐廳品質有保證又唔洗煩，但味道正宗、氛圍令人猶如置身異國既街角小店，似乎更有魅力。
的確唔需要大肆宣傳，默默地發佈一個希望冇咩人睇到既食評，就讓我獨享好了。
Post
