Video
Read full review
2019-07-02
148 views
話說今日同朋友上完西班牙文堂，又攰又肚餓，係學校附近行行下見到有間墨西哥餐廳，墨西哥又係講西班牙文，最岩就係menú 又係用西班牙文寫，岩晒上完堂想show off下既我地🙈餐廳裝修幾別緻，由於係酒吧既關係，所以中間有吧檯，食飯既我地就唔坐吧餐，餐檯都坐得好舒服，燈光昏暗但別有氣氛，其實唔錯。飲品方面我就點咗椰汁酒，酒味唔係太濃，反而椰子味好重又夠香，非常之正，一般點果酒既人都係唔飲得太烈之人，所以我覺得岩岩好，易入口又好飲，非常唔錯。朋友方面，就點咗一杯叫organismo既烈酒，中文翻譯我諗係「高潮」掛😆依杯係西班牙文國家好出名既酒，想當年我去秘魯既時候朋友都強烈推薦俾我，所以難得見到香港有，我都大力推薦俾朋友😌organismo 係俾較烈既酒，但都係好好入口既好酒，朋友話好飲，而且佢係好酒之人，加上難得可以試到異國風情，飲到佢都讚口不絕。食物方面，朋友點咗開心果三文魚柳，簡單係誠意之作，魚柳又口即融，煎得好香，係我人生食過排名前幾既魚排之一，不過美中不足係份量實在有啲唔夠，但真係太好味啦，所以原諒你啦！我點既係豬仔骨，份量超級大份！係大份到食唔晒果種，再加上，餐廳提供大量極邪惡b
餐廳裝修幾別緻，由於係酒吧既關係，所以中間有吧檯，食飯既我地就唔坐吧餐，餐檯都坐得好舒服，燈光昏暗但別有氣氛，其實唔錯。
飲品方面我就點咗椰汁酒，酒味唔係太濃，反而椰子味好重又夠香，非常之正，一般點果酒既人都係唔飲得太烈之人，所以我覺得岩岩好，易入口又好飲，非常唔錯。
朋友方面，就點咗一杯叫organismo既烈酒，中文翻譯我諗係「高潮」掛😆依杯係西班牙文國家好出名既酒，想當年我去秘魯既時候朋友都強烈推薦俾我，所以難得見到香港有，我都大力推薦俾朋友😌organismo 係俾較烈既酒，但都係好好入口既好酒，朋友話好飲，而且佢係好酒之人，加上難得可以試到異國風情，飲到佢都讚口不絕。
食物方面，朋友點咗開心果三文魚柳，簡單係誠意之作，魚柳又口即融，煎得好香，係我人生食過排名前幾既魚排之一，不過美中不足係份量實在有啲唔夠，但真係太好味啦，所以原諒你啦！
我點既係豬仔骨，份量超級大份！係大份到食唔晒果種，再加上，餐廳提供大量極邪惡bbq醬食到我又飽又濟，同朋友果個魚扒分享黎食岩岩好，豬仔骨邪惡大份，魚排清新，份量唔多，兩樣野佩合起黎，再加埋兩杯飲品，簡單係政衣無逢。
不過，美中不足既地方係，餐廳竟然係全英文😭
我苦學多年既西班牙文竟然派唔上用場，落完單我同佢講咗句¡Gracias!佢都無同我講返句De Nada😢
Post
